«تاڭعى ساعات 7-لەر شاماسىندا قاماۋعا الىنعان ج.حالىق ۇلىن قاراۋىل ينسپەكتورى تاپتى. مەكەمەنىڭ كەزەكشى اۋىسىمى دەرەۋ العاشقى مەديتسينالىق كومەك كورسەتتى. قولدانىلعان شارالارعا قاراماستان, تەرگەۋدەگى ادامدى امان الىپ قالۋ مۇمكىن بولمادى», دەلىنگەن ىىم قىلمىستىق اتقارۋ جۇيەسى كوميتەتى تاراتقان حابارلامادا.
وقيعا ورنىنا جەدەل-تەرگەۋ توبى, پروكۋراتۋرا وكىلدەرى مەن وبلىستىق ءىىد باسشىلىعى كەلگەنى ناقتىلانۋدا. باسقا ۇستالعاندارمەن اڭگىمە جۇرگىزىلدى. تەكسەرۋ ناتيجەسىندە وعان قاتىستى زاڭسىز ارەكەتتەر فاكتىلەرى انىقتالعان جوق.
قازىرگى ۋاقىتتا ىشكى اۋديت جۇرگىزىلىپ جاتىر, ونىڭ ناتيجەلەرى بويىنشا قولدانىستاعى زاڭناماعا سايكەس شارالار قابىلدانادى.
مارقۇم بولعان جايلاۋبەك حالىق ۇلى 2009 — 2016 جىلدار ارالىعىندا الماتى جانە اقمولا وبلىستارى پوليتسيا دەپارتامەنتتەرىنە باسشىلىق ەتكەن.
ول بۇعان دەيىن قىلمىستىق ءىستى توقتاتۋ ءۇشىن پارا الدى دەپ ايىپتالعان بولاتىن.
