«ەلوردادا جول اپاتىنىڭ دەڭگەيى جوعارى. نەگىزگى سەبەپ - تىركەلگەن كولىكتىڭ جىل سايىن كوبەيۋى جانە جول قوزعالىسىنا قاتىسۋشىلاردىڭ جەكە تارتىپسىزدىگى. تىركەلگەن جول-كولىك وقيعالارىنىڭ 274-ءى جەڭىل كولىكتەرمەن, 11-ءى جۇك كولىكتەرىمەن بولعان», دەدى ءبولىم باستىعى.
سونداي-اق ول جول-كولىك وقيعالارىنىڭ سەبەپتەرىن اتادى.
«جۇرگىزۋشىلەر مانەۆر جاساۋ ەرەجەلەرىن بۇزۋ (50), قارسى جولاققا شىعۋ (25), قاشىقتىق پەن ارالىقتى ساقتاماۋ (48), جاياۋ جۇرگىنشىگە جول بەرمەۋ (45) سياقتى اعاتتىقتارعا بارىپ, كولىك اپاتىنا سەبەپكەر بولعان. جىل باسىنان بەرى جۇرگىزۋشىلەر 168 رەت جاياۋ جۇرگىنشىنى كولىكپەن قاققان. سالدارىنان 3 ادام قازا تاۋىپ, 172 ادام جاراقات الدى», دەدى باۋىرجان توقجۇمانوۆ.
