اگەنتتىك جانار-جاعارمايعا قاتىستى الىپساتارلىقتىڭ الدىن الۋ ماقساتىندا بارلىق وڭىردە جان-جاقتى تەكسەرۋ جۇرگىزىپ جاتىر.
«بۇگىندە جالعان جۇك جونەلتىلىم قۇجاتتارىن قولدانىپ, مۇناي ونىمدەرىنىڭ وزگە اتاۋىن كورسەتە وتىرىپ جانار-جاعارماي ماتەريالدارىن ەكسپورتتاۋ فاكتىلەرى انىقتالدى. كەيبىر جاعدايلاردا الاقول كاسىپكەرلەر ەگىن جيناۋعا جەڭىلدىكپەن بولىنگەن ديزەل وتىنىن قايتا ساتۋمەن اينالىسقان», دەلىنگەن ءباسپاسوز مالىمەتىندە.
اگەنتتىك جانار-جاعارماي ماتەريالدارىن رەسپۋبليكادان تىس جەرلەرگە زاڭسىز ساتۋ نەمەسە اكەتۋ فاكتىلەرى تۋرالى, ۋاكىلەتتى ورگاندار مەن ۇيىمداردىڭ قىزمەتتىك وكىلەتتىكتەردى تەرىس پايدالانۋ فاكتىلەرى تۋرالى قر قارجى مونيتورينگى اگەنتتىگىنە نەمەسە ونىڭ اۋماقتىق دەپارتامەنتتەرىنە تاۋلىك بويى ىستەيتىن سەنىم تەلەفوندارىنا حابارلاۋدى سۇرايدى.
