«بيزنەس سۋبەكتىلەرىنە اعىمداعى جىلدىڭ 1 جارتىجىلدىعى ءۇشىن وڭايلاتىلعان دەكلاراتسيانى (910.00 نىسان) 2022 جىلعى 15 تامىزدا تاپسىرۋدىڭ سوڭعى مەرزىمى اياقتالاتىنىن ەسكە سالامىز», دەدى كوميتەت وكىلدەرى.
جالپى, 910.00 نىسانىنداعى سالىق ەسەپتىلىگىن وڭايلاتىلعان دەكلاراتسيا نەگىزىندە ارناۋلى سالىق رەجىمىن قولداناتىن سالىق تولەۋشىلەر ۇسىنۋى قاجەت.
دەكلاراتسيانى ۇسىنۋ تاسىلدەرى:
«سالىق تولەۋشىنىڭ كابينەتى» ۆەب-قوسىمشاسى (cabinet.salyk.kz);
– ءسووج اقپاراتتىق جۇيەسى (باعدارلامانى مكك سايتىنان تەگىن جۇكتەپ الۋعا بولادى);
– قاعاز تۇرىندە;
– Halyk Bank ءموبيلدى قوسىمشاسىنىڭ 2022 جىلعى 1 تامىزدان باستاپ وڭايلاتىلعان سالىق دەكلاراتسياسىن ۇسىنۋعا ارنالعان جاڭا سەرۆيسى.
بۇل رەتتە ەسەپتىلىك تاپسىرۋدىڭ سوڭعى كۇندەرىندە اقپاراتتىق جۇيە مەن بايلانىس ارنالارىنا جۇكتەمەنىڭ ارتۋىن بولدىرماۋ ماقساتىندا سالىق ەسەپتىلىگىن الدىن الا ۇسىنۋعا كەڭەس بەرەمىز. ودان بولەك, دەكلاراتسيا ۇسىنۋ مەرزىمدەرىن ۇزارتۋعا بولاتىنىن ەسكە سالامىز.
جالپى, 2022 جىلعى 1 شىلدەدەگى جاعداي بويىنشا وڭايلاتىلعان دەكلاراتسيا نەگىزىندە ارناۋلى سالىق رەجىمىن قولداناتىن سالىق تولەۋشىلەر سانى - 1 187 554, ونىڭ ىشىندە دارا كاسىپكەرلەر – 1 047 586, زاڭدى تۇلعالار 139 968.
