سەناتتىڭ اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ حاتشىسى اقىلبەك كۇرىشباەۆ جۇمىس ساپارى بارىسىندا جەتىسۋ وبلىسىندا بولدى. سەناتور جولامان كەنتىندەگى وسىمدىك جانە مال شارۋاشىلىعىمەن اينالىساتىن «قىزىلشوقى» جشس كەشەنىنىڭ قىزمەتىمەن جانە زاماناۋي تسيفرلىق تەحنولوگيالاردى پايدالانۋ ناتيجەلەرىمەن تانىستى. سەرىكتەستىكتە وسىرىلەتىن ءداندى داقىلدار تۇقىمدىق جۇگەرى, جازدىق ارپا جانە قانت قىزىلشاسى جاڭا زاماناۋي سۋ ۇنەمدەۋ تەحنولوگياسى بويىنشا سۋارىلادى. كاسىپورىن سۋارمالى 305 گا جەردەن 10 500 توننا قانت قىزىلشاسىن ءوندىرۋدى جوسپارلاپ وتىر.
اقىلبەك كۇرىشباەۆ سونىمەن قاتار تسەمەنت وندىرەتىن «الاسەم» جشس كاسىپورنىندا دا بولدى. جىلىنا 1, 2 ملن توننا تسەمەنت وندىرە الاتىن زاۋىتتى 2020 جىلى Alacem قازاقستان-سينگاپۋر كومپانياسى ىسكە قوسقان بولاتىن.
دەپۋتات سارىوزەك جانە شوقان ەلدى مەكەندەرىندەگى الەۋمەتتىك ينفراقۇرىلىمدارمەن, حالىقتى تابيعي گازبەن قامتاماسىز ەتۋ جوسپارلارىمەن دە تانىستى. ول سونداي-اق «شوقان جانە ك» اۋىل شارۋاشىلىعى وندىرىستىك كووپەراتيۆىندە بولىپ, جەرگىلىكتى فەرمەرلەرمەن كەزدەستى جانە ەگىن جيناۋ جۇمىستارىنا دايىندىقتى تالقىلادى.
سەناتتىڭ كونستيتۋتسيالىق زاڭناما, سوت جۇيەسى جانە قۇقىق قورعاۋ ورگاندارى كوميتەتىنىڭ حاتشىسى قاناتبەك سافينوۆ جەكە سوت ورىنداۋشىلارى رەسپۋبليكالىق پالاتاسىنىڭ وكىلدەرىمەن كەزدەسىپ, ۇيىمنىڭ قىزمەتىمەن تانىستى. سەناتور كەزدەسۋ بارىسىندا مەملەكەت باسشىسىنىڭ قازاقستان حالقىنا جولداۋىندا ايتىلعان ساياسي رەفورمالار جانە اتقارۋشى بيلىك سالاسىنداعى جاڭالىقتار تۋرالى ايتتى.
باقىتجان جۇماعۇلوۆ اقمولا وبلىسىنا جۇمىس ساپارى بارىسىندا «بالداۋرەن» رەسپۋبليكالىق وقۋ-ساۋىقتىرۋ ورتالىعىندا بولىپ, بالالاردىڭ دەمالىسىن ۇيىمداستىرۋ جاعدايىمەن تانىستى. سەناتور ورتالىقتىڭ جۇمىسىنان حاباردار بولدى جانە بالالار دەمالىسى, بالالار مەن جاسوسپىرىمدەر اراسىنداعى قاۋىپسىزدىك پەن رۋحاني قۇندىلىقتاردى ىلگەرىلەتۋ ماسەلەلەرىن تالقىلادى.
باقىتجان جۇماعۇلوۆ سونداي-اق كانيكۋل كەزىندە پەداگوگ-ۇيىمداستىرۋشىلارمەن جانە بالالارعا جاۋاپتى ادامدارمەن كەزدەستى, بالالاردىڭ قاۋىپسىزدىگىن ساقتاۋ مەن قۇقىقتارىن قورعاۋ جونىندەگى ويلارىمەن ءبولىستى. دەپۋتات سونىمەن قاتار بۋراباي اۋدانىنىڭ قوتىركول ايماعىندا ورنالاسقان «ەدەلۆەيس – بۋراباي» بالالار ساۋىقتىرۋ ورتالىعىندا دا بولدى.
ساپار اياسىندا بالالارمەن جانە پەداگوگتەرمەن كەزدەسۋ ءوتتى. دەپۋتات بالالارعا دەمالىستى تاماشا وتكىزۋگە, پەداگوگيكالىق قۇرامعا وسكەلەڭ ۇرپاقتى تاربيەلەۋ ىسىندە تابىستى بولۋلارىنا تىلەكتەستىگىن ءبىلدىردى.
باقىتجان جۇماعۇلوۆ كوكشەتاۋ قالاسىنداعى مالىك عابدۋللين اتىنداعى ازاماتتىق قورعانىس اكادەمياسىندا دا بولدى. سەناتور اكادەميانىڭ ماتەريالدىق-تەحنيكالىق بازاسىمەن, وقۋ جانە ءبىلىم بەرۋ باعدارلامالارىمەن تانىستى, مۋزەيدە, وقۋ عيماراتتارىندا, زەرتحانالارىندا بولدى. اكادەميانىڭ قىزمەتكەرلەرىمەن جانە پروفەسسورلىق-وقىتۋشىلىق قۇرامىمەن كەزدەسۋ بارىسىندا سەناتور پرەزيدەنتتىڭ باستاماسى بويىنشا جۇرگىزىلىپ جاتقان كونستيتۋتسيالىق رەفورمالار, ۇلتتىق قۇندىلىقتاردى ساقتاۋدىڭ ماڭىزدىلىعى, پالاتانىڭ زاڭ شىعارۋ جۇمىسى جانە پارلامەنتتىڭ وتكەن سەسسياسىندا قابىلدانعان زاڭدار تۋرالى ايتىپ, جوعارى وقۋ ورنىن ودان ءارى دامىتۋ ماسەلەلەرىن تالقىلادى.
كەزدەسۋگە قاتىسۋشىلار سونىمەن قاتار ازاماتتىق قورعانىس سالاسىنداعى ءبىلىم بەرۋ ساپاسىن ارتتىرۋعا جانە ازاماتتىق قورعانىس اكادەمياسىنىڭ ماتەريالدىق-تەحنيكالىق جانە وقۋ-ادىستەمەلىك بازاسىن جاقسارتۋعا باعىتتالعان بىرقاتار ۇسىنىس ايتتى. باقىتجان جۇماعۇلوۆ كوتەرىلگەن ماسەلەنىڭ بارلىعى زاڭ شىعارۋ قىزمەتى بارىسىندا ەسكەرىلەتىنىن جانە ءتيىستى مەملەكەتتىك ورگاندارمەن پىسىقتالاتىنىن اتاپ ءوتتى.
اندرەي لۋكين نۇر-سۇلتان قالاسىنىڭ اكىمدىگىنە قاراستى مەكەمەلەردە بولدى. ول «شاراپات» جانە «جانسايا» الەۋمەتتىك قىزمەت كورسەتۋ ورتالىقتارىنىڭ, قارتتارعا, مۇگەدەكتىگى بار ادامدارعا جانە مۇمكىندىگى شەكتەۋلى بالالارعا ارنالعان وڭالتۋ ورتالىعىنىڭ, «جانۇيا» وتباسى ينستيتۋتىن قولداۋ ورتالىعىنىڭ ۇجىمدارىمەن كەزدەستى.
بۇل ورتالىقتاردىڭ ماقساتى – ومىردە قيىن جاعدايعا تاپ بولعان ءاربىر ازاماتقا, وتباسىنا پسيحولوگيالىق, الەۋمەتتىك جانە زاڭگەرلىك كومەك كورسەتۋ, سونداي-اق جان-جاقتى قولداۋ جاساۋ. ۇيىمدار سونىمەن قاتار كوپبالالى, تولىق ەمەس جانە از قامتىلعان وتباسىلارعا, مۇمكىندىگى شەكتەۋلى بالالاردى تاربيەلەپ وتىرعان اتا-انالارعا, ەگدە جاستاعى ادامدارعا, بەلگىلى تۇرعىلىقتى جەرى جوق ادامدارعا قولداۋ كورسەتەدى.
دەپۋتاتتار سۇلتانبەك ماكەجانوۆ پەن نۇرتورە ءجۇسىپ الماتى قالاسىنا جۇمىس ساپارى بارىسىندا يندۋستريالىق ايماقتا جانە «يننوۆاتسيالىق تەحنولوگيالار پاركى» ارنايى ەكونوميكالىق ايماعىندا بولدى. سەناتورلار ساپار بارىسىندا يندۋستريالىق جانە ارنايى ەكونوميكالىق ايماق اۋماقتارىندا قولدانىستاعى جانە ىسكە اسىپ جاتقان جوبالارمەن تانىستى, سونداي-اق «يتپ» اەا دامىتۋ ماسەلەلەرىن تالقىلادى.
سەناتورلار سونىمەن قاتار پالاتا قىزمەتىنىڭ قورىتىندىلارى تۋرالى ايتىپ, وتكەن سەسسيا بارىسىندا قابىلدانعان زاڭداردىڭ نەگىزگى نورمالارىن ەگجەي-تەگجەي ءتۇسىندىردى. سونداي-اق «الماتى بيزنەس» قالالىق باعدارلاماسى بويىنشا شاعىن جانە ورتا بيزنەستى دامىتۋ ماسەلەلەرىنە ەرەكشە نازار اۋدارىپ, حالىقتىڭ الەۋمەتتىك ماسەلەلەرىن شەشۋدىڭ ماڭىزدىلىعىن اتاپ ءوتتى. پارلامەنتشىلەر كەزدەسۋ قورىتىندىسى بويىنشا يندۋستريالىق ايماقتا جۇمىس ىستەيتىن مامانداردىڭ ۇسىنىستارى مەن وتىنىشتەرى ءتيىستى ۋاكىلەتتى ورگانداردىڭ نازارىنا جەتكىزىلەتىنىن اتاپ ءوتتى. سۇلتانبەك ماكەجانوۆ پەن نۇرتورە ءجۇسىپ سونىمەن قاتار Hyundai Trans Kazakhstan زاۋىتىندا دا بولدى.
سەناتورلار ماكەجانوۆ سۇلتانبەك پەن ءجۇسىپ نۇرتورە الماتى قالاسىنا جۇمىس ساپارى اياسىندا «قالقامان» مەترو ستانساسىنىڭ قۇرىلىسىمەن تانىستى. ولار سونداي-اق مەتروپوليتەننىڭ «سارىارقا» جانە «باۋىرجان مومىش ۇلى» جاڭا ستانسالارىندا بولدى. دەپۋتاتتارعا قۇرىلىس-مونتاج جۇمىستارىنىڭ بارىسى, قوعامدىق جانە ءورت قاۋىپسىزدىگىن قامتاماسىز ەتۋ, قالا مەتروپوليتەنىنىڭ ودان ءارى دامۋى تۋرالى اقپارات ايتىلدى. بۇگىنگى تاڭدا الماتى قالاسىنىڭ مەتروپوليتەنىندە 11 ستانسا, ۇزىندىعى 13,4 شاقىرىم جول, ەلەكتر پويىزدارىنىڭ 15 قۇرامى جۇمىس ىستەيدى. كۇندەلىكتى جولاۋشىلار اعىنى 40-45 مىڭ ادامدى قۇرايدى. مەترونى باتىس باعىتتا «قالقامان» ستانساسىنان «بارلىق» بازارى اۋدانىنداعى ستانساعا دەيىن ودان ءارى دامىتۋ كوزدەلىپ وتىر, ول ارادا 3 ستانسا بار, ال ۋچاسكەنىڭ ۇزىندىعى 5,2 شاقىرىم بولادى.
سەنات دەپۋتاتى باۋىرجان قانيەۆ اقتوبە وبلىسىنىڭ تەمىر اۋدانىندا بولدى. سەناتور شىعىرلى جانە قالمىققىرىلعان ەلدى مەكەندەرىندەگى ورتالىقتاندىرىلعان اۋىز سۋ قۇبىرى قۇرىلىسىنىڭ بارىسىمەن تانىستى. بۇل قۇرىلىس جۇمىستارىن 2022 جىلدىڭ سوڭىنا دەيىن اياقتاۋ جوسپارلانىپ وتىر جانە ەلدى مەكەندەر كوپتەن كۇتكەن ورتالىقتاندىرىلعان اۋىز سۋمەن قامتاماسىز ەتىلەتىن بولادى. دەپۋتات ساپار بارىسىندا الەۋمەتتىك مەكەمەلەرگە دە بارىپ,
اۋدان تۇرعىندارىمەن كەزدەستى.
