«دارىلىك زاتتاردىڭ زاڭسىز اينالىمىن باقىلاۋ شەڭبەرىندە ۇنەمى مونيتورينگ جۇرگىزىلەدى. سوڭعى ەكى جىلدا 700-گە جۋىق بۇزۋشىلىق فاكتىسى ورىن الىپ, ءدارى-دارمەكتەردى زاڭسىز ساتقانى ءۇشىن 80 ملن تەڭگەدەن استام ايىپپۇل سالىندى. قازىر ەكى قىلمىستىق ءىس تەرگەلۋدە», دەدى اجار عينيات.
ونىڭ ايتۋىنشا, ازاماتتار تاراپىنان جالعان ءدارى-دارمەك ساتىپ الۋ تۋرالى وتىنىشتەر تۇسكەن جوق.
ء«بىز بارلىق وتىنىشتەردى نەمەسە مەديتسينالىق ۇيىمدارعا كىرەتىن پاتسيەنتتەرىمىزدىڭ «سارى كارتالارىن» قاداعالايمىز. زاڭ بويىنشا مۇنداي دارىلىك پرەپاراتتاردىڭ ساپاسى مەن قاۋىپسىزدىگىنە تولىق تەكسەرۋ جۇرگىزىلىپ جاتىر», دەپ قوستى مينيستر.
بۇدان بۇرىن حابارلانعانداي, دەنساۋلىق ساقتاۋ مينيسترلىگى 2022 جىلعى 30 مامىردا دارىلىك زاتتاردى تاڭبالاۋ ەرەجەسىنە وزگەرىستەردى ەنگىزگەن, بىراق ول 6 تامىزدان باستاپ قولدانىسقا ەنگىزىلەدى.
