«قازاقستاندا كوروناۆيرۋس ينفەكتسياسىمەن سىرقاتتانۋدىڭ ءوسۋى بايقالادى. سوڭعى ەكى اپتادا الدىڭعى ەكى اپتامەن سالىستىرعاندا اۋىرعان ادامداردىڭ سانى (10 714 جاعدايدان 34 550 جاعدايعا دەيىن) 3,2 ەسەگە ءوستى. ءوسۋ بارلىق وڭىرلەردە بايقالادى. باعالاۋ ماتريتساسى بويىنشا, نۇر-سۇلتان قالاسى سارى ايماقتا, قالعان وڭىرلەر جاسىل ايماقتا تۇر», دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە.
ونىڭ مالىمەتى بويىنشا, قازىر ۆيرۋستىڭ بۇل ءتۇرى جەڭىل ءوتىپ جاتقانىمەن بىرنەشە ساناتتاعى ادامدار ءۇشىن ءالى دە قاۋىپتى بولىپ وتىر.
«تاۋلىگىنە كوروناۆيرۋس ينفەكتسياسىنىڭ وڭ ناتيجەسىمەن 3000 جاعدايعا دەيىن تىركەلىپ وتىر. كوروناۆيرۋس ينفەكتسياسىنىڭ قازىرگى تۇرىندە اۋرۋ جەڭىل وتەدى. بىراق اۋرۋدىڭ قاتاڭ تۇرىمەن اۋىراتىندارعا, جۇكتى ايەلدەر, 60 جاستان اسقان ادامدار, سوزىلمالى قوسا جۇرەتىن اۋرۋلارى بار ناۋقاستار, كۆي-عا قارسى ەگىلمەگەندەر جاتادى», دەدى اجار عينيات.
