ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا مينيستر ەل پرەزيدەنتى جول بيتۋمىنىڭ تاپشىلىعىن بولدىرماۋدى تاپسىرعانىن اتاپ ءوتتى.
«جۇرگىزىلگەن جۇمىس ناتيجەلەرى بويىنشا رەسەي فەدەراتسياسىنان گۋدرون يمپورتىنا كۆوتا 280-نەن 430 مىڭ تونناعا دەيىن, سونداي-اق اقتاۋداعى بيتۋم زاۋىتىندا بيتۋم ءوندىرىسى ۇلعايتىلدى. بۇل وتاندىق بيتۋم وندىرۋشىلەرگە ءوندىرىستى 300 مىڭ تونناعا ارتتىرۋعا مۇمكىندىك بەرەدى», دەدى ۆەدومستۆو باسشىسى.
بولات اقشولاقوۆتىڭ ايتۋىنشا, سونىڭ ناتيجەسىندە جىل سايىنعى جيىنتىق قۋاتى جىلىنا 1,2-1,3 ميلليون توننانى قۇرايتىن بولادى. بۇل جول قۇرىلىسى ءۇشىن ىشكى نارىقتىڭ قاجەتتىلىگىن جابۋعا مۇمكىندىك بەرەدى.
«تاپشىلىق جول-قۇرىلىس كومپانيالارىنىڭ بيتۋمدى بىركەلكى ىرىكتەمەۋىنە بايلانىستى تۋىندايتىنىن اتاپ وتكىم كەلەدى. قىسقى-كوكتەمگى كەزەڭدە بيتۋم وندىرۋگە وتىنىمدەر ءىس جۇزىندە كەلىپ تۇسپەيدى. وسىعان بايلانىستى مينيسترلىك يندۋستريا جانە ينفراقۇرىلىمدىق دامۋ مينيسترلىگىمەن بىرلەسىپ, قىسقى جانە كوكتەمگى كەزەڭدە بيتۋم ساتىپ الۋ ءۇشىن بىرىڭعاي ءونىم بەرۋشىنى ايقىنداۋ ماسەلەسىن پىسىقتاپ جاتىر», دەدى مينيستر.
