مينيسترلىك ۇسىنعان سوڭعى دەرەكتەرگە سايكەس, ەل وڭىرلەرىندە كوروناۆيرۋس ينفەكتسياسىنىڭ بەلگىلەرى بار پنەۆمونيانىڭ 33 جاعدايى انىقتالدى, ءولىم جاعدايلارى بولعان جوق.
جالپى پاندەميا باستالعالى پنەۆمونيادان 5357 ادام قايتىس بولدى. ال كوروناۆيرۋستان 2 ادام كوز جۇمدى. بۇگىنگە دەيىن ۆيرۋستان 13 666 ادام قايتىس بولدى.
3 تامىزدىڭ تاڭىندا تاراتىلعان اقپاراتقا سۇيەنسەك, قازاقستاندا قازىرگى ۋاقىتتا كوروناۆيرۋستان 27 747 ادام (–27 498+ جانە 249 كۆي-) ەمدەلىپ جاتىر. ولاردىڭ ىشىندە 1 505 پاتسيەنت ستاتسيوناردا جاتسا, 26 242 ناۋقاس امبۋلاتوريالىق دەڭگەيدە ەم قابىلداۋدا.
كۆي+ (كوروناۆيرۋس), كۆي- (كوروناۆيرۋس پنەۆمونياسى) شالدىققانداردىڭ اراسىندا:
- 32 ادامنىڭ جاعدايى اۋىر;
- 8 پاتسيەنتتىڭ جاعدايى وتە اۋىر;
- 3 ناۋقاس وكپەنى جاساندى جەلدەتۋ اپپاراتىنا قوسىلعان.
