اقمولا وبلىسى بويىنشا قارجى مونيتورينگى دەپارتامەنتىنىڭ ءباسپاسوز قىزمەتى حابارلاعانداي, جەدەل ىزدەستىرۋ ءىس-شارالارىن جۇرگىزۋ بارىسىندا كوكشەتاۋ قالاسىنىڭ اۋماعىندا «Qnet» حالىقارالىق كومپانياسى ونىمدەرىنىڭ ينتەرنەت-ساۋداسىن جامىلىپ جۇمىس ىستەگەن قارجى پيراميداسىنىڭ باسشىلارى توبىنا قاتىستى سوتقا دەيىنگى تەرگەۋ باستالدى.
«قىلمىستىق ءىستى تەرگەۋ اياسىندا كۇدىكتىلەر قىلمىستىق پروتسەسسۋالدىق كودەكستىڭ 128-بابى تارتىبىندە ۇستالىپ, كوكشەتاۋ قالالىق پب ۋاقىتشا ستاۋ وقشاۋلاعىشىنا قامالدى. سونىمەن بىرگە كوكشەتاۋ قالاسىنىڭ مامانداندىرىلعان تەرگەۋ سوتى كۇدىكتىلەرگە قاتىستى 2 اي مەرزىمگە «كۇزەتپەن ۇستاۋ» بۇلتارتپاۋ شاراسىن سانكتسيالادى. وزگە اقپارات قىلمىستىق پروتسەسسۋالدىق كودەكستىڭ 201-بابى تارتىبىندە تەرگەۋ مۇددەسىندە جاريا ەتىلمەيدى», دەلىنگەن ۆەدومستۆو اقپاراتىندا.
