«جولاۋشىلار تاسىمالى» اق كەيبىر جولاۋشىلار پويىزدارىنىڭ نومىرلەرى مەن قاتىناۋ باعىتتارىنىڭ وزگەرگەنى تۋرالى حابارلايدى.
نۇر-سۇلتان - شىمكەنت باعىتى بويىنشا:
- وسى جىلدىڭ 1 قىركۇيەگىنەن باستاپ الەۋمەتتىك ماڭىزى بار كۇندەلىكتى №86/85 نۇر-سۇلتان نۇرلى جول – شىمكەنت پويىزى;
- وسى جىلدىڭ 1 قىركۇيەگىنەن باستاپ ستاندارتتى ۆاگوندارمەن جاساقتالعان №71/72 نۇر-سۇلتان-1 – شىمكەنت كۇندەلىكتى قاتىنايتىن كوممەرتسيالىق پويىزى تاعايىندالادى.
سونىمەن قاتار بيىل 5 قىركۇيەكتەن باستاپ №71/72 پويىزدىڭ نۇر-سۇلتان نۇرلى جول – شىمكەنت باعىتىنداعى قاتىناسى وزگەرەدى.
اتىراۋ - الماتى باعىتى بويىنشا:
- 1 قىركۇيەكتەن باستاپ ستاندارتتى ۆاگونداردان كۇن سايىن قاتىناۋ كەزەڭدىلىگىمەن №29/30 اتىراۋ - الماتى-2 كوممەرتسيالىق پويىزى;
- 3 قىركۇيەكتەن باستاپ الەۋمەتتىك ماڭىزى بار №41/42 الماتى-2 - اتىراۋ پويىزى كۇن سايىن قاتىناۋ جيىلىگىمەن تاعايىندالادى.
باسقا باعىتتار بويىنشا:
- وسى جىلدىڭ 5 قىركۇيەگىنەن باستاپ №10/9 پويىزدىڭ نۇر-سۇلتان-1 – الماتى-1 باعىتىنداعى قاتىناسى وزگەرەدى;
- وسى جىلدىڭ 5 قىركۇيەگىنەن باستاپ №73/74 الماتى-2 – جەزقازعان جەدەل پويىزى قۇرامىندا تالگو ۆاگوندارى (ستاندارتتى ۆاگونداردىڭ ورنىنا) كۇنارا جيىلىگىمەن جۇرەدى;
- 3 قىركۇيەكتەن باستاپ №69/70 الماتى-2 - وسكەمەن-1 تالگو كوممەرتسيالىق پويىزىنىڭ ءجۇرىسى توقتاتىلادى.
«ۇلتتىق تاسىمالداۋشى جولاۋشىلاردان جول ءجۇرۋ قۇجاتتارىن (بيلەتتەرىن) BILET.RAILWAYS.KZ سايتى نەمەسە «قتج بيلەتتەرى» ءموبيلدى قوسىمشاسى ارقىلى ونلاين رەسىمدەۋدى سۇرايدى. قاجەت بولعان جاعدايدا تەمىرجول بيلەتتەرىن ساتىپ الۋ ءۇشىن «كۇتۋ پاراعى» فۋنكتسيونالىن پايدالانۋدى ۇسىنامىز.
سونداي-اق جولاۋشىلاردان ءجۇرۋ جولىندا جانە ەلدىڭ ۆوكزالدارىندا بەتپەردە رەجيمىن ساقتاۋدى سۇرايمىز», دەلىنگەن حابارلامادا.
