2022 جىلى كونكۋرس شەڭبەرىندە 30 گرانت بەرىلەدى, ولاردىڭ ارقايسىسى 3 ميلليون تەڭگەدەن بولادى.
گرانتتى تاعايىنداۋدىڭ ماقساتى بەلسەندى شىعارماشىل جاستار قاۋىمداستىعىن قالىپتاستىرۋعا باعىتتالعان جاستاردىڭ جاڭا جانە قولدانىستاعى باستامالارىن مەملەكەتتىك قولداۋ بولىپ تابىلادى. ونى الۋعا كونكۋرستىق وتىنىمدەردى قابىلداۋ اياقتالعان كەزدە جاسى 14-تەن كىشى ەمەس جانە جاسى 29-دان ۇلكەن ەمەس قازاقستان ازاماتتارى ۇمىتكەر بولا الادى.
گرانتتار قر ازاماتتارىنا كەلەسى باعىتتار بويىنشا جاڭا يدەيالار مەن باستامالاردى ىسكە اسىرۋ ءۇشىن كونكۋرستىق نەگىزدە بەرىلەدى:
«عىلىم» - عىلىمنىڭ باسىم سەكتورلارىندا جاڭا عىلىمي جوبالار مەن زەرتتەۋلەردى ىسكە اسىرۋ ءۇشىن;
«مادەنيەت» - قازاقستاننىڭ مادەني مۇراسىن تانىمال ەتۋگە, حالىقتىق مادەني داستۇرلەر مەن ونەردى ىلگەرىلەتۋگە باعىتتالعان جوبالاردى ىسكە اسىرۋ ءۇشىن;
«اقپاراتتىق تەحنولوگيالار» - جاڭا IT-شەشىمدەر مەن جوبالاردى, ونىڭ ىشىندە باستاۋشى ستارتاپ-جوبالاردى ىسكە اسىرۋ جانە ازىرلەۋ ءۇشىن;
«بيزنەس» - ەكونوميكانىڭ باسىم سەكتورلارىندا جاڭا بيزنەس-يدەيالاردى ىسكە اسىرۋ ءۇشىن;
«مەديا» - جاڭا مەديا-جوبالاردى, ونىڭ ىشىندە جاستار ءۇشىن تانىمدىق, پايدالى, قىزىقتى كونتەنتتى قۇرۋ جونىندەگى جوبالاردى ىسكە اسىرۋ ءۇشىن.
ۇمىتكەرلەردىڭ كونكۋرستىق وتىنىمدەرى (قاعاز نۇسقادا) بيىل 14 تامىزعا دەيىن مىنا مەكەنجاي بويىنشا قابىلدانادى: نۇر-سۇلتان قالاسى, ماڭگىلىك ەل داڭعىلى 8, مينيسترلىكتەر ءۇيى اكىمشىلىك عيماراتى (14-كىرەبەرىس); بايلانىس تەلەفوندارى: 8(7172)74-12-78, 8(702-000-88-12).
ەلەكتروندىق نۇسقانى پوشتا ارقىلى generation.kaz@gmail.com جىبەرۋ كەرەك .
كونكۋرستىق وتىنىمدەر مەملەكەتتىك جانە (نەمەسە) ورىس تىلدەرىندە قابىلدانادى جانە:
- جوبانىڭ سيپاتتاماسى;
- جوبانىڭ بەينە-پرەزەنتاتسياسى (60 سەكۋندتان ارتىق ەمەس);
- شىعىندار سمەتاسىنىڭ جوباسى;
- زياتكەرلىك مەنشىك تۋرالى مالىمەتتەر (بار بولسا).
