«وتكەن جىلى «مەكتەپكە جول» اكتسياسىنىڭ نەگىزىندە 4 مىڭنان اسا بالاعا كومەك كورسەتىلگەن ەدى. بۇگىندە كومەككە مۇقتاج بالالاردىڭ ءتىزىمى دايىندالىپ جاتىر», دەدى تۇركىستان وبلىستىق ادامي الەۋەتتى دامىتۋ باسقارماسى باسشىسىنىڭ ورىنباسارى نۇرجان نۇرلىباەۆ.
ونىڭ ايتۋىنشا, ءاربىر ەلدى مەكەندە, قالا ماڭىنداعى ساياجايلاردا, بولىمدەردە, فەرمالاردا «تاۋەكەل توبىنداعى» بالالاردى انىقتاۋ ءۇشىن رەيد جۇرگىزىلىپ, قورىتىندىسى بويىنشا تىزىمدەر جاسالادى. بۇل ءتىزىم ءبىلىم بەرۋ ورگاندارى مەن دەمەۋشىلەرگە بەرىلەدى.
وبلىستىق ادامي الەۋەتتى دامىتۋ باسقارماسىنىڭ باس مامانى عاليا امىرالىقىزىنىڭ ايتۋىنشا, تىزىمدەر اتا-انالاردىڭ كەلىسىمىمەن جاسالادى.
اكتسيا اياسىندا سەنىم تەلەفوندارى مەن قوعامدىق قابىلداۋلاردىڭ ءۇزىلىسسىز جۇمىسى ۇيىمداستىرىلاتىنىن دا ايتا كەتۋ كەرەك.
بيىل «مەكتەپكە جول - شەكاراسىز جاقسىلىق» ۇرانىمەن وتكەلى وتىرعان اكتسيا 1 تامىز بەن 30 قىركۇيەك ارالىعىندا جۇزەگە اسىرىلادى.
