ەرلان قارين: زاڭنامانى ۇيلەستىرۋ ەلىمىزدى وركەندەتۋدىڭ جاڭا كەزەڭى باستالعانىن ايعاقتايدى

بۇگىن پارلامەنت پالاتالارىنىڭ بىرلەسكەن وتىرىسىندا دەپۋتاتتار ءۇش زاڭ جوباسىن ءبىرىنشى وقىلىمدا قارادى. ولار جاڭا كونستيتۋتسيالىق قۇقىقتىق ارحيتەكتۋرانى قالىپتاستىرۋعا باعىتتالعان.

اتاپ ايتقاندا, قارالعان قۇجاتتار:

1. «قازاقستان رەسپۋبليكاسىنىڭ پرەزيدەنتى تۋرالى» كونستيتۋتسيالىق زاڭنىڭ جاڭا رەداكتسياسى – 8 تاراۋ, 43 باپتان تۇرادى;
2. «قازاقستان رەسپۋبليكاسىنىڭ قۇرىلتايى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ جاڭا رەداكتسياسى – 12 تاراۋ, 60 باپ;
3. «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭعا وزگەرىستەر مەن تولىقتىرۋلار ەنگىزۋ تۋرالى زاڭ جوباسى.

ەرلان قاريننىڭ پىكىرىنشە, ۇسىنىلىپ وتىرعان وزگەرىستەردىڭ نەگىزگى ماقساتى – قولدانىستاعى زاڭنامانى جاڭا كونستيتۋتسياعا تولىق سايكەستەندىرۋ, سونداي-اق مەملەكەتتىك-ساياسي مودەلدى ينستيتۋتسيونالدىق تۇرعىدان جاڭارتۋ.

ەرلان قارين پرەزيدەنتتىڭ نەگە تاۋەلسىزدىك پەن ەگەمەندىك سوزدەرىن باس ارىپپەن جازاتىنىن ءتۇسىندىردى

سونىمەن قاتار رەفورمالار ەلدىڭ ساياسي جاڭعىرۋىن جۇيەلى قۇقىقتىق نەگىزگە كوشىرۋگە باعىتتالعان. بۇل رەتتە جاڭا نورمالار مەملەكەتتىك باسقارۋ جۇيەسىنىڭ تيىمدىلىگىن ارتتىرۋدى كوزدەيدى.

مەملەكەتتىك كەڭەسشى اتاپ وتكەندەي, زاڭنامانى ۇيلەستىرۋ پروتسەسى جانە قۇرىلتايعا قاتىستى الداعى سايلاۋ ەل دامۋىنىڭ جاڭا كەزەڭىن ايقىندايدى. بۇل كەزەڭ «ادىلەتتى قازاقستان» قاعيداتتارىنا نەگىزدەلگەن كونستيتۋتسيالىق دامۋ باعىتىنىڭ باستاۋى رەتىندە باعالانىپ وتىر.

ەرلان قارين: كونستيتۋتسيالىق رەفورما – قوعام بىرلىگى مەن حالىق ىنتىماعىنىڭ ايعاعى