بۇگىن, 8 مامىردا پارلامەنت زاڭ جوباسىن ءبىرىنشى وقىلىمدا قاراپ, ماقۇلدادى.
دەپۋتات ءماجىلىس دەپۋتاتى مارات ءباشىموۆتىڭ ايتۋىنشا, زاڭ جوباسى سايلاۋ ناۋقاندارى بارىسىندا انىقتالعان ماسەلەلەردى شەشۋ جانە زاڭنامانى قازىرگى الەۋمەتتىك-ساياسي ءارى تسيفرلىق جاعدايلارعا سايكەستەندىرۋ ماقساتىندا ازىرلەنگەن.
«جاڭا وزگەرىستەرگە سايكەس, سايلاۋ كوميسسياسى مۇشەسى زاڭ بۇزعان جاعدايدا وعان ەسكەرتۋ بەرىلەدى, ال قايتالانعان بۇزۋشىلىق بولسا, ونىڭ وكىلەتتىگى توقتاتىلۋى مۇمكىن. سونداي-اق سىبايلاس جەمقورلىق, اۋىر جانە اسا اۋىر قىلمىستار ءۇشىن سوتتالعان ازاماتتار سايلاۋ كوميسسيالارىنا كىرە المايدى. ۇسىنىلىپ وتىرعان وزگەرىستەر كەڭ اۋقىمدى ماسەلەلەردى قامتيدى جانە كەشەندى, جۇيەلى سيپاتقا يە», دەدى ءماجىلىس دەپۋتاتى مارات ءباشىموۆ پارلامەنتتىڭ بىرلەسكەن وتىرىسىندا.
دەپۋتات قۇرىلتاي كوميتەتتەرى مۇشەلەرىنىڭ سانىن شەكتەۋدى ۇسىندى
ۇكىمەت باسشىسىنىڭ ورىنباسارى – ۇلتتىق ەكونوميكا ءمينيسترى سەرىك جۇمانعاريننىڭ ايتۋىنشا, ۇگىت-ناسيحات جۇرگىزۋ كەزىندە ونلاين پلاتفورمالاردا كانديداتتارعا تەڭ مۇمكىندىك بەرىلەدى. پارتيا اتىنان ۇسىنىلعان كانديداتتار پارتيانىڭ رەسمي سايتتارى مەن الەۋمەتتىك جەلىلەرىن قوسىمشا كەلىسىمسىز پايدالانا الادى.
ۆيتسە-پرەزيدەنتتى تاعايىنداۋ ءتارتىبى: قۇرىلتايدىڭ ءرولى مەن جاڭا لاۋازىمنىڭ ماڭىزى
سونىمەن قاتار سايلاۋ قورىنان تىس قارجى تارتۋعا تىيىم سالىنادى.
نۇربولات امانبەك
