فوتو: اشىق دەرەككوز
بولجامعا سايكەس, 9 مامىردا ەلدىڭ وڭتۇستىك-باتىسىندا, سولتۇستىك-باتىسىندا جانە سولتۇستىگىندە, ال 10-11 مامىر كۇندەرى شىعىسىندا, وڭتۇستىگىندە جانە وڭتۇستىك-شىعىسىندا نوسەر جاڭبىر كۇتىلەدى. كەي جەرلەردە بۇرشاق جاۋى مۇمكىن, ال جەلدىڭ ەكپىنى كۇشەيەدى.
مەتەورولوگتار ەل اۋماعى بويىنشا جەلدىڭ كۇشەيۋى بايقالاتىنىن, وڭتۇستىك وڭىرلەردە شاڭدى داۋىل تۇرۋ ىقتيمالدىعى بارىن ايتادى. سونداي-اق تۇنگى جانە تاڭعى ۋاقىتتا تۇمان تۇسەدى دەپ بولجانىپ وتىر.
8 مامىرعا ارنالعان اۋا رايى بولجامى: ەلىمىزدىڭ باسىم بولىگىندە جاڭبىر جاۋادى
سينوپتيكتەردىڭ دەرەگىنشە, الداعى كۇندەرى قازاقستان بويىنشا اۋا تەمپەراتۋراسى بىرتىندەپ تومەندەيدى. 11 مامىردا ەلدىڭ سولتۇستىك جارتىسىندا تۇنگى ۋاقىتتا 1-6 گرادۋسقا دەيىن ۇسىك ءجۇرۋى مۇمكىن.
كۇندىزگى تەمپەراتۋرا وڭىرلەر بويىنشا مىناداي دەڭگەيدە بولادى:
- باتىستا – 13-28 گرادۋس جىلى;
- سولتۇستىك-باتىستا – 10-18 گرادۋس جىلى;
- سولتۇستىكتە – 5-13 گرادۋس جىلى;
- ورتالىقتا جانە شىعىستا – 8-18 گرادۋس جىلى;
- وڭتۇستىكتە – 17-26 گرادۋس جىلى;
- وڭتۇستىك-شىعىستا – 15-22 گرادۋس جىلى;
- تاۋلى ايماقتاردا – 8-13 گرادۋس جىلى.
«قازگيدرومەت» ماماندارى تۇرعىنداردى اۋا رايىنىڭ كۇرت وزگەرىسىنە دايىن بولۋعا شاقىرىپ, اسىرەسە ۇسىك پەن جاۋىن-شاشىن كەزەڭىندە ساقتىق شارالارىن ۇستانۋدى ەسكەرتەدى.
اپتاپ ىستىق, نوسەر, بۇرشاق: مامىر ايىندا اۋا رايى قۇبىلمالى بولادى
