كەزدەسۋ بارىسىندا ولجاس بەكتەنوۆ پرەزيدەنت قاسىم-جومارت توقاەۆتىڭ جىلى لەبىزى مەن ىزگى تىلەگىن جەتكىزدى. ەكى ەل اراسىنداعى ءوزارا ءىس-قيمىل سەنىمگە, ءوزارا تۇسىنىستىككە, باۋىرلاس حالىقتار اراسىنداعى بەرىك دوستىققا نەگىزدەلگەن ستراتەگيالىق ارىپتەستىك پەن وداقتاستىقتىڭ جارقىن ۇلگىسى ەكەنى اتاپ ءوتىلدى. ەكى مەملەكەتتىڭ باسشىلارى قول جەتكىزگەن ۋاعدالاستىقتاردىڭ كوپجوسپارلى ىنتىماقتاستىقتى ودان ءارى دامىتۋعا تىڭ سەرپىن بەرىپ وتىرعانى ايتىلدى. 2025 جىلدىڭ قورىتىندىسىندا قازاقستان مەن وزبەكستان اراسىنداعى ءوزارا ساۋدا كولەمى 16,2 پايىزعا ارتىپ, 4,8 ملرد دوللارعا جەتتى. بيىلعى قاڭتار-ءساۋىر ايلارىندا ەكىجاقتى تاۋار اينالىمى 1,9 ملرد دوللاردى قۇرادى, بۇل وتكەن جىلدىڭ سايكەس كەزەڭىندەگى كورسەتكىشتەن 42,1 پايىزعا ارتىق. كەزدەسۋدە ساۋدا-ەكونوميكالىق بايلانىستاردى دامىتۋ, ونەركاسىپ كووپەراتسياسىن كەڭەيتۋ, كولىك-لوگيستيكا سالاسىنداعى ءوزارا ىقپالداستىقتى نىعايتۋ, سونداي-اق ەنەرگەتيكا, سۋ رەسۋرستارى جانە تۋريزم سالالارىنداعى ىنتىماقتاستىق ماسەلەلەرى تالقىلاندى.
فورۋم جۇمىسىنا وزبەكستان مەن البانيا پرەزيدەنتتەرى, ازەربايجان, بەلارۋس, قىرعىزستان, رەسەي فەدەراتسياسى جانە تاجىكستان ۇكىمەتتەرىنىڭ باسشىلارى, سونداي-اق بيزنەس, حالىقارالىق دامۋ بانكتەرى مەن مەملەكەتتىك ورگانداردىڭ وكىلدەرى قاتىستى. ءىس-شارا بارىسىندا تۇراقتى ەكونوميكالىق دامۋ, ينۆەستيتسيالار تارتۋ جانە يننوۆاتسيالار ەنگىزۋ ماسەلەلەرى تالقىلاندى.
فورۋمدا ولجاس بەكتەنوۆ ەلىمىز ورتالىق ازيانىڭ ەكونوميكالىق الەۋەتىن اشۋ ماقساتىندا ءوڭىر ەلدەرى اراسىنداعى ءوزارا ءىس-قيمىلدى ودان ءارى تەرەڭدەتۋدى قولدايتىنىن ايتتى.
ەلىمىزدە پرەزيدەنت قاسىم-جومارت توقاەۆتىڭ باستاماسىمەن جۇزەگە اسىرىلىپ جاتقان ينستيتۋتسيونالدىق رەفورمالار ورنىقتى ارتاراپتاندىرىلعان ەكونوميكالىق ءوسىمدى قامتاماسىز ەتۋگە باعىتتالعان. ينۆەستيتسيالىق احۋالدى جاقسارتۋعا ءارى ىسكەرلىك بەلسەندىلىكتى ارتتىرۋعا ەرەكشە نازار اۋدارىلۋدا. ەلىمىزدىڭ جاڭا كونستيتۋتسياسىندا ادىلەتتى ءارى قۋاتتى مەملەكەت قۇرۋدىڭ بەرىك نەگىزى قالانىپ, بۇل ەلىمىزدەگى ىسكەرلىك ورتانى ودان ءارى جەتىلدىرۋگە, ينۆەستيتسيالىق تارتىمدىلىقتى ارتتىرۋعا قوسىمشا مۇمكىندىك جاسايدى.
2030 جىلعا دەيىنگى ينۆەستيتسيالىق ساياسات تۇجىرىمداماسى جاڭارتىلدى. شەتەلدىك كاپيتال تارتۋ كولەمىن كەڭەيتۋ ءۇشىن «Kazakh Invest» ۇلتتىق كومپانياسىنىڭ باسىم نارىقتارعا قاتىسۋى كۇشەيتىلمەك. باس پروكۋراتۋرا جانىنداعى ينۆەستورلاردىڭ قۇقىقتارىن قورعاۋ كوميتەتى بيزنەستىڭ زاڭدى مۇددەلەرىنىڭ قورعالۋىن قامتاماسىز ەتەدى. ينۆەستورلار مەن جوعارى بىلىكتى ماماندار ءۇشىن ەلدە بولۋ شارتتارىن جەڭىلدەتۋدى كوزدەيتىن «Altyn Visa» جاڭا ارنايى ۆيزالىق رەجىمى ەنگىزىلىپ جاتىر. بىرلەسىپ قابىلدانعان بۇل شارالار ينۆەستيتسيالىق بەلسەندىلىكتى ىنتالاندىرۋعا ءارى ەلىمىزدەگى جوعارى تەحنولوگيالى جاڭا سالالاردىڭ دامۋىن جەدەلدەتۋگە باعىتتالعان.
پرەمەر-مينيستر تسيفرلىق تەحنولوگيالار مەن جي سالاسىنداعى ىنتىماقتاستىقتىڭ الەۋەتىن تىلگە تيەك ەتتى. قازاقستان جاڭا بۋىننىڭ IT-ەكوجۇيەسىن بەلسەندى قالىپتاستىرىپ جاتىر. ەكى سۋپەركومپيۋتەر پايدالانۋعا بەرىلدى, اlem.ءاى حالىقارالىق جاساندى ينتەللەكت ورتالىعى قۇرىلدى. ورتالىق ازياداعى تسيفرلىق حابقا اينالۋعا باعىتتالعان ء«دوو القابى» جوباسى جۇزەگە اسىرىلماق. جوبانى دامىتۋعا الەمدىك IT الپاۋىتتارى – Firebird جانە NVIDIA قازىردىڭ وزىندە 10 ملرد دوللار كولەمىندە ينۆەستيتسيا سالىپ وتىر.
