جوبانى «تۇركىستان» اەا يندۋستريالىق ايماعىندا «KAZAKH INVEST» ۇك» اق قولداۋىمەن «Almaty NS Group» جشس جۇزەگە اسىردى. ينۆەستيتسيا كولەمى 1,7 ملرد تەڭگە.
زاۋىتتىڭ اشىلۋىنا تۇركىستان وبلىسىنىڭ اكىمى ومىرزاق شوكەەۆ, «تۇركىستان» اەا باسقارۋشى كومپانياسىنىڭ وكىلدەرى جانە «KAZAKH INVEST» ۇك» اق ايماقتىق ديرەكتورى ەرسۇلتان جاڭاباەۆ قاتىستى.
«Almaty NS Group» جشس جوبانى جۇزەگە اسىرۋدى 2021 جىلى باستادى. زاۋىتتىڭ وندىرىستىك قۋاتى جىلىنا 45 ميلليون دانا كىرپىشتى قۇرايدى. زاۋىت ايىنا 3 ميلليونعا دەيىن كىرپىش شىعارادى. قازىرگى ۋاقىتتا كىرپىش پەشتەرى ورناتىلىپ, ءبىرىنشى پارتيانى شىعارۋ جۇمىستارى باستالدى. وڭىردەگى قۇرىلىس ماتەريالدارىنا ارتقان سۇرانىستى وتەي وتىرىپ, ءونىم ىشكى نارىققا جەتكىزىلەدى. كومپانيا مەنەدجەرلەرى 2023 جىلى تولىق وندىرىستىك قۋاتقا شىعۋدى بولجاپ وتىر.
ايتا كەتسەك, كاسىپورىندا 50 جاڭا جۇمىس ورنى اشىلدى.
بۇل جوبانىڭ جۇزەگە اسۋى تۇركىستان وبلىسىندا قۇرىلىس ماتەريالدارىنىڭ تاپشىلىعىن ازايتۋعا مۇمكىندىك بەرەدى.
