30 شىلدەدە «قاراسورا – 2022» جەدەل الدىن الۋ ءىس-شاراسى بارىسىندا ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن توبىل قالاسىنىڭ 45 جاستاعى تۇرعىنى ۇستالدى, ونىڭ اۆتوكولىگىن تەكسەرۋ كەزىندە 40 كەلىدەن استام ەسىرتكى زاتى – ماريحۋانا مەن گاشيش تاركىلەندى.
قازىرگى ۋاقىتتا اتالعان فاكتى بويىنشا قر قك-ءنىڭ 297-بابىنىڭ 3-بولىگىندە (ەسىرتكىنى اسا ءىرى مولشەردە وتكىزۋ ماقساتىندا زاڭسىز ساقتاۋ) كوزدەلگەن سوتقا دەيىنگى تەرگەۋ باستالدى. قاجەتتى تەرگەۋ ارەكەتتەرى جۇرگىزىلۋدە. ۇستالۋدىڭ ەگجەي-تەگجەيىن قوستاناي وبلىسى پد باستىعى ەرلان وماربەكوۆ حابارلادى.
«30 شىلدەدە جەدەل-ىزدەستىرۋ ءىس-شارالارى بارىسىندا «قاراسورا – 2022» جەدەل-ىزدەستىرۋ ءىس-شارالارى شەڭبەرىندە درۋجبا اۋىلىنىڭ ماڭىندا اۆتوكولىك توقتاتىلدى, تەكسەرۋ كەزىندە ماشينا سالونىندا وسىمدىك زاتتارى بار پاكەتتەر ورنالاسقان ەكى قوراپ تابىلدى. ساراپتاما قوراپتاردا 33 كەلى ماريحۋانا, 8 كەلى گاشيش بار ەكەنى انىقتالدى. جىل باسىنان بەرى بۇل زاڭسىز اينالىمنان الىنعان ەسىرتكى زاتتارىنىڭ ەڭ ءىرى پارتياسى», دەپ ءتۇسىندىردى ول.
تەرگەۋ امالدارىن ودان ءارى جۇرگىزۋ بارىسىندا ەسىرتكى ەلىمىزدىڭ وڭتۇستىك وڭىرىنەن وبلىسقا تۇسكەنى انىقتالدى. وسىلايشا پوليتسيا ايماققا ەسىرتكى جەتكىزۋدىڭ ءىرى ارناسىن جويدى. ەسىرتكى ساتۋشىنى ۇستاۋ وپەراتسياسى بارىسىندا قىزمەتتىك-ىزدەستىرۋ يتتەرى قولدانىلدى. قازىر كۇدىكتى ۇستالدى.
