«بۇگىنگى كۇنى قىلمىسقا قاتىسى بار, بۇرىن سوتتالعان 38 جاستاعى كۇدىكتى ۇستالىپ, قاماۋعا الىندى. ونىڭ ۇستىنەن كامەلەت جاسىنا تولماعان قىز بالانى زورلاۋ جانە ءولتىرۋ دەرەگى بويىنشا قىلمىستىق ءىس قوزعالدى. پوليتسيا تاراپىنان تەرگەۋ امالدارى ءجۇرىپ جاتىر.
قىلمىسىن مويىنداعان كۇدىكتىگە زاڭ اياسىندا قاتاڭ جازا قولدانىلاتىن بولادى. جەكەلەگەن الەۋمەتتىك جەلىلەردە قىز بالانى ۇلتى باسقا بىرنەشە ازامات زورلاپ ولتىرگەن دەگەن اقپارات شىندىققا جاناسپايدى. بۇل جەردە ۇلتارالىق ماسەلەنىڭ دە ەش قاتىسى جوق. قازىر پانفيلوۆ اۋدانىندا جاعداي تۇراقتى. وبلىس اكىمشىلىگىنىڭ, قۇقىق قورعاۋ ورگاندارىنىڭ باقىلاۋىندا», دەدى جەتىسۋ وبلىسى اكىمىنىڭ ءباسپاسوز قىزمەتىنىڭ باسشىسى - ءباسپاسوز حاتشىسى مىندەتىن اتقارۋشى دۋمان التىنبەك ۇلى
