اباي وبلىسىنىڭ اكىمى نۇرلان ۇرانحاەۆ سەمەيدەگى حالىقارالىق اۋەجايعا باردى. بۇل اۋەجاي 1982 جىلى پايدالانۋعا بەرىلگەن.
اۋەجايدىڭ وتكىزۋ قابىلەتى ساعاتىنا 200 جولاۋشى, ونىڭ ىشىندە ىشكى جەلىلەردە 80% جانە حالىقارالىق جەلىلەردە 20%. عيماراتتىڭ جالپى اۋدانى - 3500 شارشى مەتردى قۇرايدى. ۇشۋ-قونۋ جولاعى بەتونمەن جابىلعان.
«2015-2018 جىلدارى «نۇرلى جول» مەملەكەتتىك باعدارلاماسى بويىنشا ۇشۋ-قونۋ جولاعىن, رۋلدەۋ جولىن رەكونسترۋكتسيالاۋ, سونداي-اق اپاتتىق-قۇتقارۋ ستانتسياسىنىڭ, ورتالىق تاراتۋ پۋنكتىنىڭ, قازاندىقتىڭ, سۋ ستانتسياسىنىڭ قۇرىلىسى جانە اەروۆوكزالدى قايتا جاڭارتۋ جۇمىستارى جۇرگىزىلدى. قازىرگى ۋاقىتتا «نۇر-سۇلتان – سەمەي – نۇر-سۇلتان», «الماتى – سەمەي – الماتى», «شىمكەنت – سەمەي – شىمكەنت» باعىتتارى بويىنشا تۇراقتى اۆيارەيستەر ۇشۋدا. الداعى ۋاقىتتا بۇل رەيستەر سانىن ارتتىرۋ جوسپارلانۋدا», دەپ حابارلادى وبلىس اكىمدىگىنىڭ ءباسپاسوز قىزمەتى.
كەزدەسۋ بارىسىندا اۋەجايدىڭ قوسالقى وبەكتىلەرىنە جانە اۋە كەمەلەرى ءۇشىن 2-دەن 14 ورىنعا دەيىن تۇراقتاردى ۇلعايتۋ قاجەتتىگى بەلگىلى بولدى. بۇدان بولەك, قىزمەت كورسەتەتىن ارنايى تەحنيكالار جاڭارتىلۋى ءتيىس.
