توتەنشە جاعدايلار ءمينيسترى يۋري يلين قاراعاندى وبلىسىنا جۇمىس ساپارى كەزىندە «ارسەلور ميتتال تەمىرتاۋ» اق قاۋىپسىزدىكتىڭ قامتاماسىز ەتىلۋىن ەرەكشە باقىلاۋىنا الدى. يۋري يلين ارسەلور ميتتال تەمىرتاۋ باسشىلىعىن ونەركاسىپتىك قاۋىپسىزدىك دەپارتامەنتىنە شاقىرىپ, وندىرىستەگى قاۋىپسىزدىك, جۇمىسشىلاردىڭ ەڭبەك جاعدايلارىن جاقسارتۋ جانە ولارعا الەۋمەتتىك قولداۋ كورسەتۋ ماسەلەلەرىن تالقىلادى. ءوز كەزەگىندە ارسەلور ميتتال تەمىرتاۋ باسشىلىعى ءوندىرىستىڭ بارلىق كەزەڭدەرىندە قاۋىپسىزدىكتى جەتىلدىرۋ بويىنشا قابىلدانىپ جاتقان شارالار تۋرالى باياندادى.
يۋري يلين ونەكاسىپتىك قاۋىپسىزدىك دەپارتامەنتىنە بيزنەس قاۋىمداستىققا اۆاريالار مەن وقىس وقيعالاردىڭ سانىن ازايتۋ ءۇشىن قاجەتتى ادىستەمەلىك كومەك كورسەتۋدى تاپسىردى. قاۋىپسىزدىك شارالارى ساقتالماعان جاعدايدا, زاڭ اياسىندا قاتاڭ شارالار قابىلداناتىنىن, ءتىپتى ءوندىرىستىڭ جۇمىسى توقتاتىلاتىن ەسكەرتتى. سەبەبى 2022 جىلدىڭ باسىنان بەرى وندىرىستە 13 اۆاريا مەن 103 وقيعا تىركەلگەن.
سونىمەن قاتار, ساپار بارىسىندا يۋري يلين «كااقق» جشس رەسپۋبليكالىق ورتالىق شتابىندا بولدى, وندا رەسپۋبليكالىق ورتالىق شتابىنىڭ جانە «امت» اق كومىر دەپارتامەنتىنىڭ باسشىلىعىمەن بىرگە تاۋ-كەن قۇتقارۋشىلارىن الەۋمەتتىك قولداۋ جانە اۆاريالىق-قۇتقارۋ قىزمەتتەرىنىڭى زاماناۋي قۇرالدارمەن, قۇرال-جابدىقتارمەن جانە تەحنيكامەن جاراقتاندىرۋ جۇمىستارىمەن تانىستى.
ساپار اياسىندا يۋري يلين وبلىس تۇرعىندارىمەن كەزدەستى.
«توتەنشە جاعدايلار مينيسترلىگى قىزمەتىنىڭ ماڭىزدى قۇرامداس بولىگى – ءبىزدىڭ مينيسترلىك پەن قوعامنىڭ ءوزارا ءتيىمدى ارەكەتتەسۋىنە مۇمكىندىك بەرەتىن حالىقپەن كەرى بايلانىس. ازاماتتار جازعان وتىنىشتەردى قاراپ, قاجەت شارالاردى قابىلدايمىز», دەدى يۋري يلين.
كەزدەسۋ بارىسىندا قاراعاندى وبلىسىنىڭ تۇرعىندارى ازاماتتىق قورعاۋ ورگاندارىنىڭ قىزمەتىنە قاتىستى وزدەرىن تولعاندىرىپ جۇرگەن سۇراقتاردى قويىپ, ولارعا جاۋاپ الدى. بەينەكونفەرەنتسبايلانىس ارقىلى وبلىستىڭ قالالارى مەن اۋداندارىنىڭ تۇرعىندارى دا قاتىستى.
تۇرعىندار نەگىزىنەن دالا ورتتەرى مەن سۋ تاسقىنىنا بايلانىستى توتەنشە جاعدايلاردىڭ الدىن الۋ, قاراعاندى وبلىسىنداعى تەگىن جاعاجايلار سالۋ ماسەلەلەرىن كوتەردى.
