نۇربەك بادىراقوۆ قر پرەزيدەنتى اكىمشىلىگىنىڭ كەلىسىمى مەن تۇركىستان وبلىسى اكىمىنىڭ وكىمىمەن تاعايىندالدى.
جاڭا اكىمدى اۋدان اكتيۆىنە وبلىس اكىمى ومىرزاق شوكەەۆ تانىستىرىپ, الداعى ماقسات-مىندەتتەرىن ايقىنداپ, مەملەكەت باسشىسى بەكىتكەن تاپسىرمالاردى ساپالى ورىنداۋدى جۇكتەدى. سونىمەن بىرگە اۋدان اكىمى قىزمەتىن اتقارعان باعلان باتىرشاەۆقا جەمىستى جۇمىسى ءۇشىن العىسىن ءبىلدىردى.
نۇربەك باقتىباي ۇلى 1988 جىلى 11 ماۋسىمدا وڭتۇستىك قازاقستان وبلىسىندا تۋعان.
ول م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىن, م.ح.دۋلاتي اتىنداعى تاراز مەملەكەتتىك ۋنيۆەرسيتەتى مەن قازاقستان حالىقتار دوستىعى ۋنيۆەرسيتەتىن تامامداعان.
ماماندىعى – سۋ رەسۋرستارى جانە سۋدى پايدالانۋ; قۇقىقتانۋ.
ەڭبەك جولىن 2009 جىلى وڭتۇستىك قازاقستان وبلىسى اۋىل شارۋاشىلىعى باسقارماسىندا ستاتيست بولىپ باستاعان.
2010 جىلى وڭتۇستىك قازاقستان وبلىسى اۋىل شارۋاشىلىعى باسقارماسىنىڭ اۋىل شارۋاشىلىق ونىمدەرىن قايتا وڭدەۋ جانە جاڭا تەحنولوگيالاردى ەنگىزۋ ءبولىمىنىڭ جەتەكشى مامانى بولدى.
2012 جىلى وڭتۇستىك قازاقستان وبلىسى اۋىل شارۋاشىلىعى باسقارماسىنىڭ ەگىن جانە سۋ شارۋاشىلىعى ءبولىمىنىڭ باسشىسى, 2013-2015 جىلدار ارالىعىندا وڭتۇستىك قازاقستان وبلىسى اۋىل شارۋاشىلىعى باسقارماسى باسشىسىنىڭ ورىنباسارى قىزمەتىن اتقارعان.
2016-2017 جىلدار ارالىعىندا «قازاگرو» ۇلتتىق باسقارۋشى حولدينگى» اق ەتۇ قىزمەتىن تالداۋ جانە دامىتۋ دەپارتامەنتىندە باس مەنەدجەر, قر پارلامەنتى ماجىلىسىندە دەپۋتات كومەكشىسى, قازاقستان رەسپۋبليكاسى اۋىل شارۋاشىلىعى مينيسترلىگىنىڭ اگروونەركاسىپتىك كەشەندەگى مەملەكەتتىك ينسپەكتسيا كوميتەتىنىڭ وڭتۇستىك قازاقستان وبلىستىق اۋماقتىق ينسپەكتسياسىنىڭ باسشىسى, شىمكەنت قالاسى اكىمى اپپاراتىنىڭ باسشىسى بولدى.
2018 جىلدان باستاپ قازىرگى ۋاقىتقا دەيىن تۇركىستان وبلىسى اۋىل شارۋاشىلىعى باسقارماسىنىڭ باسشىسى بولىپ ەڭبەك ەتىپ كەلدى.
