پرەزيدەنت • 27 شىلدە، 2022

مەملەكەت باسشىسى گرۋزيانىڭ پرەمەر-ءمينيسترىن قابىلدادى

5168 رەت كورسەتىلدى

مەملەكەت باسشىسى گرۋزيانىڭ پرەمەر-ءمينيسترى يراكلي گاريباشۆيليدى قابىلدادى، دەپ حابارلايدى Egemen.kz اقورداعا سىلتەمە جاساپ.

قاسىم-جومارت توقاەۆ يراكلي گاريباشۆيليگە ءىلتيپات بىلدىرە وتىرىپ، ەكىجاقتى ىنتىماقتاستىقتىڭ قارقىندى دامىپ كەلە جاتقانىن، سونداي-اق بىرلەسكەن كۇش-جىگەردى جۇمىلدىرۋدىڭ ماڭىزدى ەكەنىن اتاپ ءوتتى.

ء«سىزدىڭ ساپارىڭىز تابىستى بولادى دەپ ۇمىتتەنەمىن. ساپارىڭىزدىڭ باعدارلاماسى وتە تىعىز ەكەنىن، قازاقستان مەن گرۋزيا اراسىنداعى ىنتىماقتاستىقتى دامىتۋعا تىڭ سەرپىن بەرەتىن بىرقاتار كەزدەسۋ جوسپارلانعانىن بىلەمىن. ءبىزدى دوستىق جانە كوپجاقتى ىنتىماقتاستىقتىڭ بەرىك ارقاۋى بايلانىستىراتىنىن ايتقىم كەلەدى. ءبىزدىڭ مىندەتىمىز – وسى دوستىق قارىم-قاتىناستاردى جالعاستىرۋ جانە ودان ءارى دامىتۋ»، دەدى پرەزيدەنت.

س

كەزدەسۋ بارىسىندا قازاقستان مەن گرۋزيا اراسىنداعى ساۋدا-ەكونوميكالىق، ينۆەستيتسيالىق جانە گۋمانيتارلىق ىنتىماقتاستىقتىڭ وزەكتى ماسەلەلەرى تالقىلاندى.

سونىمەن قاتار ولار كولىك-لوگيستيكالىق ءىس-قيمىلدارعا دا ەرەكشە نازار اۋداردى. كورشىلەس قىتايعا تىكەلەي شىعاتىن مۇمكىندىگى بار بولعاندىقتان، قازاقستان ءوز نارىعىن ورتالىق ازياعا اشىلاتىن قاقپا رەتىندە قاراستىرۋدى ۇسىنادى. مەملەكەتتەر ايماق ەلدەرى اراسىنداعى بايلانىستاردى نىعايتۋ ءۇشىن زور ماڭىزى بار ترانسكاسپي حالىقارالىق كولىك باعىتى بويىنشا سەرىكتەس سانالادى.

يراكلي گاريباشۆيلي كەزدەسۋگە مۇمكىندىك بەرگەنى ءۇشىن قاسىم-جومارت توقاەۆقا ريزاشىلىعىن ءبىلدىرىپ،  ءوز ەلىنىڭ ىنتىماقتاستىقتى نىعايتۋعا مۇددەلى ەكەنىن تاعى دا ناقتىلادى.

ء«بىزدىڭ دوستىق جانە كوپجاقتى ىنتىماقتاستىعىمىز جاقسى دامىپ كەلەدى. مەن ماڭىزدى ماسەلەمەن كەلدىم. ەكىجاقتى قاتىناستاردى دامىتۋعا، بارلىق سالا بويىنشا بايلانىستاردى كەڭەيتۋگە مۇددەلىمىز. ەلدەرىمىز اراسىنداعى تاۋار اينالىمى ۇلعايىپ كەلەدى. ءبىرىنشى جارتىجىلدىقتا بۇل باعىتتاعى كورسەتكىش 150 پايىزعا ءوستى. ارينە، بايلانىستاردى كەڭەيتۋ ءۇشىن الەۋەتىمىز مول. ءبىز ءوزارا قارىم-قاتىناستاردى، ىنتىماقتاستىقتى جانە دوستىقتى باعالايمىز»، دەدى گرۋزيا پرەمەر-ءمينيسترى.

كەزدەسۋ سوڭىندا مەملەكەت باسشىسى قاسىم-جومارت توقاەۆ گرۋزيا پرەزيدەنتى سالومە زۋرابيشۆيليگە سالەمىن جولدادى.

سوڭعى جاڭالىقتار

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار