«ساعات 05:54-تە ب. مايلين اۋدانى, توبىل كەنتىندەگى ەلەۆاتورنايا كوشەسىندە «توبىل ەلەۆاتورى» جشس اۋماعىندا استىق قالدىقتارىنىڭ قويماسى جانىپ جاتقانى تۋرالى حابارلاما ءتۇستى. ءورتتى سوندىرۋگە توتەنشە جاعدايلار دەپارتامەنتىنىڭ ءورت ءسوندىرۋ بولىمشەلەرى, ەلەۆاتوردىڭ مەملەكەتتىك ەمەس ورتكە قارسى قىزمەتى جانە «قتج»ۇك» اق ءورت ءسوندىرۋ پويىزى جۇمىلدىرىلدى», دەپ حابارلادى وبلىستىق تجد-دان.
دەپارتامەنت مالىمەتىنشە, جالىن ساعات 14:34-تە ءسوندىرىلدى. ورتتەن № 25, 26 قويمالار ( 2 400 شارشى مەتر اۋماقتا), كەپتىرۋ-جونەلتۋ مۇناراسىنىڭ عيماراتىندا قابىرعا قاپتاماسى ( 40 شارشى مەتر), سونداي-اق 1 040 توننا زىعىر جويىلدى. ءورت شارپىعان جالپى اۋماق 2440 شارشى مەتردى قۇرادى. قازا بولعاندار مەن زارداپ شەككەندەر جوق.
بولجام بويىنشا, ءورت№25 قويماداعى تاراتۋ قورابىندا بولعان قىسقا تۇيىقتالۋعا بايلانىستى بولعان.
