پارلامەنت سەناتىنىڭ دەپۋتاتى نۇرجان نۇرسيپاتوۆ باياناۋىل اۋدانىنا جۇمىس ساپارى بارىسىندا جاڭاتىلەك جانە باياناۋىل اۋىلدىق وكرۋگتەرىنە بارىپ, اكىمدەرمەن, جەرگىلىكتى بيۋدجەتتىك ۇيىمداردىڭ وكىلدەرىمەن جانە اۋدان اكتيۆىمەن كەزدەستى.
سەناتور پالاتانىڭ زاڭ شىعارۋ جۇمىسى جانە وتكەن سەسسيادا سەناتتا قابىلدانعان زاڭدار تۋرالى كەزدەسۋگە قاتىسۋشىلارعا ايتىپ بەردى. نۇرجان نۇرسيپاتوۆ زاڭدار ازاماتتارىمىزدىڭ ءال-اۋقاتىن ارتتىرۋعا باعىتتالعانىن اتاپ ءوتتى.
كەزدەسۋ بارىسىندا الەۋمەتتىك-ەكونوميكالىق دامۋ, تۇرعىن ءۇي-كوممۋنالدىق سالا ماسەلەلەرى, سونداي-اق جەرگىلىكتى بيۋدجەت قاراجاتىن ءتيىمدى يگەرۋ ماسەلەلەرى تالقىلاندى.
جەرگىلىكتى جۇرتشىلىق وكىلدەرى ءوز كەزەگىندە حالىقتىڭ الەۋمەتتىك جاعدايىن جاقسارتۋعا باعىتتالعان بىرقاتار ۇسىنىس ايتتى. سەناتور كوتەرىلگەن ماسەلەلەردىڭ بارلىعى زاڭ شىعارۋ قىزمەتى بارىسىندا ەسكەرىلىپ, ءتيىستى مەملەكەتتىك ورگاندارمەن پىسىقتالاتىنىن اتاپ ءوتتى.
پارلامەنت سەناتىنىڭ دەپۋتاتتارى ناريمان تورەعاليەۆ پەن ءلاززات رىسبەكوۆا قاراتوبە جانە شىڭعىرلاۋ اۋداندارىن ارالاپ, اۋدان ورتالىعى مەن حانكول اۋىلىنىڭ تۇرعىندارىمەن كەزدەستى.
دەپۋتات ناريمان تورەعاليەۆ سەناتتىڭ اتقارعان جۇمىسى مەن كونستيتۋتسياعا ەنگىزىلگەن وزگەرىستەر, پرەزيدەنتتىڭ باستامالارىن زاڭنامالىق قامتاماسىز ەتۋ جونىندەگى پارلامەنتشىلەر قابىلداعان شارالار جانە كونستيتۋتسياعا ەنگىزىلگەن وزگەرىستەردى ىسكە اسىرۋعا قاجەتتى جاڭا زاڭدار تۋرالى كەزدەسۋ قاتىسۋشىلارىنا ايتىپ بەردى.
جەرگىلىكتى تۇرعىندار ءوز كەزەگىندە تۇرعىن ءۇي بەرۋ جانە جەردى پايدالانۋ, ازىق-ت ۇلىك باعاسىنىڭ ءوسۋى, ونەركاسىپتى دامىتۋ جانە جاڭا مەكتەپ سالۋ ماسەلەلەرىن كوتەردى. پارلامەنت دەپۋتاتتارى الماز, اقشات جانە شىڭعىرلاۋ اۋىلدىق وكرۋگتەرىن دە ارالادى. تۇرعىنداردىڭ ايتۋىنشا, اۋدان ورتالىعىن كوكتەمگى جانە كۇزگى كەزەڭدەردە ەلدى مەكەندەرمەن بايلانىستىراتىن سەگىزساي – اقشات – شىڭعىرلاۋ جولىن سۋ باسادى, كەي جەرى شايىلىپ كەتىپ حالىققا قيىندىق تۋعىزادى. سەناتورلار كوتەرىلگەن بارلىق ماسەلە ءتيىستى مەملەكەتتىك ورگانداردىڭ نازارىنا جەتكىزىلەتىنىن جانە باقىلاۋعا الىناتىنىنا نازار اۋداردى.
سەنات دەپۋتاتى ءلاززات سۇلەيمەن جۇمىس ساپارى بارىسىندا جەتىسۋ وڭىرىندە بولىپ, قۇقىق قورعاۋ ورگاندارىنىڭ وكىلدەرىمەن كەزدەستى. وبلىستىق پروكۋراتۋرا مەن ىشكى ىستەر دەپارتامەنتى وكىلدەرىمەن كەزدەسۋدە دەپۋتاتقا قاڭتار وقيعاسى بويىنشا جۇرگىزىلىپ جاتقان تەرگەپ-تەكسەرۋ بارىسى تۋرالى باياندالدى. ءوز كەزەگىندە وبلىس پروكۋراتۋراسى ازاپتاۋ فاكتىلەرىنىڭ ارقايسىسى تەكسەرىلىپ, كىنالى ازاماتتار ءتيىستى جازاسىن الاتىنىن ايتتى.
سونىمەن قاتار سەناتورعا قىلمىستىق پروتسەستىڭ ءۇش دەڭگەيلى مودەلىن ەنگىزۋ قىلمىستاردى اشۋعا كومەكتەسەتىنى, سونىمەن قاتار تسيفرلاندىرۋ دەڭگەيىن ارتتىرۋ قاجەت ەكەنى ايتىلدى. ساپار بارىسىندا دەپۋتات اقسۋ وڭىرىندە دە بولىپ, بىرقاتار الەۋمەتتىك جوبانىڭ جۇزەگە اسىرىلۋ بارىسىن تالقىلادى.
