جارىسقا جاپونيا, كورەيا, گونكونگ, قىتاي, قىرعىزستان سياقتى 13 ەلدەن 100-دەن استام سپورتشى قاتىستى.
قازاقستان نامىسىن 15 سپورتشى قورعادى. قازاقستاندىق دارىن قونىسباەۆ U23 ساناتىندا ەكىنشى ورىندى يەلەندى. ال, باس جۇلدەنى گونكونگتاعى وسكار كوگگينس جەڭىپ الدى. ول جارىستىڭ باسىنان باستاپ جوعارى قارقىن الىپ, 1 ساعات 51 مينۋت 14 سەكۋندتا ءۇش كەزەڭدى اياقتادى. ال ءۇشىنشى ورىن قىتايدان كەلگەن تسين چەنگە بۇيىردى.
U23 ساناتىندا ايەلدەر اراسىندا جاپونيا مەن قىتايدان كەلگەن قاتىسۋشىلار كوش باستاپ تۇر. ءبىرىنشى ورىندى 2:10:26 ەسەبىمەن جاپونيالىق يزۋمي يكەگۋچي يەلەندى. ال اسپان استى ەلىنىڭ وكىلدەرى ۆەن ۆەي مەن سيني لين وزدەرىنىڭ كوماندالىق قورجىنىنا «كۇمىس» پەن «قولا» سالدى.
U19 جارىستارىندا ەكى جاپوندىق سپورتشى العا شىقتى: ماكو حيرازۋمي - 1 ورىن جانە مانامي حياشي – 2 ورىن. ال «قولانى» گونكونگ كومانداسىنىڭ سپورتشىسى شارلوتتا حولل الدى.
جىگىتتەر اراسىندا جاپونيا وكىلدەرى دە جەڭىسكە جەتتى: امۋ ومۋرو مەن تاكۋتو وسيما ءبىرىنشى جانە ەكىنشى ورىنداردى يەلەندى. جۇلدەگەرلەر قاتارىندا قولا جۇلدەنى جەڭىپ العان قازاقستاندىق سپورتشى ەگور كرۋپياكوۆ تا بار.
