توسەك قاپقا ورالعان ءمايىتتى تاڭەرتەڭ تەكسەرۋشىلەر جارىلعىش ماتەريالدار تاسىمالدايتىن ۆاگوننىڭ ىشىندەگى شاحتا «وقپانىنىڭ» جانىنان تاپقان.
ديسپەتچەر وقيعا بولعان جەرگە جەدەل پوليتسيانى شاقىرىپ, ءمايىت كىمدىكى ەكەندىگىن انىقتاعان. مارقۇم بەستوبە اۋىلىنىڭ تۇرعىنى بولىپ شىقتى. ول بەستوبە كەنىشىندە جۇمىس ىستەمەگەن.
وسى ارادا بەستوبە التىن كەنىشىنىڭ شاحتاسى شامامەن ءبىر جىلدان بەرى جۇمىس ىستەمەي, قاڭتارىلىپ تۇرعانىن ايتا كەتۋ كەرەك. ال تومەنگى كوكجيەكتەرىن جەر استى سۋلارى باسقان.
بۇعان دەيىن دە بيىل وسى كەنىشتىڭ «زاپادنايا» شاحتاسىنىڭ كوكجيەگىن باقىلاۋشىلار 43 جاستاعى پاۆلودار وبلىسى تۇرعىنىنىڭ دەنەسىن تاپقان بولاتىن. ستەپنوگورسك پوليتسياسىنىڭ مالىمەتى بويىنشا ول جۇرەكتىڭ يشەميالىق اۋرۋىنان قايتىس بولدى. دەگەنمەن مارقۇم شاحتاعا زاڭسىز ەنگەن, سول جەردە بالكىم ونى سەرىكتەستەرى تاستاپ كەتكەن.
ال بەستوبە كەنىشىنىڭ يەسى «التىنالماس» كومپانياسىنىڭ وكىلدەرى جەلدەتكىش جانە باسقا دا ينجەنەرلىك جۇيەلەر ىستەمەي تۇرعاندىقتان, جارتىلاي سۋ باسقان, قىزمەت ەتپەيتىن شاحتاعا ءتۇسۋ وتە قاتەرلى ەكەنىن ەسكەرتەدى.
