24 جاستاعى ەر ادامدى اتىراۋ وبلىسى پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرى ۇلتتىق قاۋىپسىزدىك كوميتەتىنىڭ اتىراۋ وبلىسى بويىنشا دەپارتامەنتىمەن بىرلەسە جۇرگىزگەن «قاراسورا – 2022» جەدەل الدىن الۋ ءىس-شاراسى كەزىندە انىقتاپ, ۇستاعان.
«سhevrolet اۆتوكولىگىن ءتىنتۋ كەزىندە ارقايسىسى سالماعى شامامەن 1 گرامم بولاتىن تاسپاعا ورالعان 5 پوليەتيلەن قاپ تاركىلەندى. ساراپتاما ناتيجەلەرى بويىنشا تاركىلەنگەن زات جالپى سالماعى 5 گرامم مەفەدرون سينتەتيكالىق ەسىرتكىسى ەكەندىگى انىقتالدى», دەلىنگەن وبلىستىق پد حابارلاماسىندا.
قازىرگى كەزدە كۇدىكتى اتىراۋ قالاسىندا ۋاقىتشا ۇستاۋ يزولياتورىنا قاماۋعا الىنىپ, وعان قاتىستى قر قك-ءنىڭ 296-بابى 4-بولىگى بويىنشا سوتقا دەيىنگى تەرگەۋ امالدارى جۇرگىزىلىپ جاتىر.
