قازاقستان تەننيس فەدەراتسياسىنىڭ مالىمەتىنشە, قازاقستاندا مۇنداي دەڭگەيدەگى جارىس العاش رەت ۇيىمداستىرىلىپ وتىر. بۇل ATP-نىڭ China Open جارىسىن بەيجىڭنەن ەلورداعا اۋىستىرۋ تۋرالى شەشىمىنەن كەيىن مۇمكىن بولدى. ATP 500 «ۇلكەن دۋلىعا» جانە ATP Masters 1000 دودالارىنان كەيىنگى ءۇشىنشى دەڭگەيدەگى جارىس بولىپ ەسەپتەلەدى. ويىندار ەسىل جاعاسىنداعى كورىكتى جەرگە ورىن تەپكەن ۇلتتىق تەننيس ورتالىعىنىڭ كورتتارىندا بولادى.
«اTP-نىڭ قازاقستانعا وسىنداي دەڭگەيدەگى جارىستى وتكىزۋدى سەنىپ تاپسىرعانىنا قۋانىشتىمىن. بۇل ەلىمىزدە تەننيستى دامىتۋ ءۇشىن الەمدىك وزىق تاجىريبەنى پايدالانۋداعى باعىتىمىزدىڭ دۇرىستىعىن كورسەتەدى», دەدى قازاقستان تەننيس فەدەراتسياسىنىڭ پرەزيدەنتى, حالىقارالىق تەننيس فەدەراتسياسىنىڭ (ITF) ۆيتسە-پرەزيدەنتى بولات وتەمۇراتوۆ.
ايتا كەتەيىك, Astana Open-گە الەمدەگى ۇزدىك 10 تەننيسشىنىڭ قاتارىنا كىرەتىن سپورتشىلار قاتىسادى. سونىڭ ىشىندە الەمنىڭ 1-راكەتكاسى, اقش اشىق چەمپيوناتىنىڭ جەڭىمپازى, رەسەيلىك دانيل مەدۆەدەۆ بار.
