ورتاق ىستەگى ورتاق ۇستانىم كورىنىسى

ەقىۇ-نىڭ ءىس باسىنداعى ءتور­اعاسى, ەلىمىزدىڭ مەملەكەت­تىك حات­شىسى – سىرتقى ىستەر ءمينيسترى قانات ساۋداباەۆ اۋعانستان مەن تاجىكستانعا جاساعان جۇمىس ساپارىن ەمومالي راحمونمەن كەزدەسۋمەن قورىتىندىلادى. تاجىك پرەزيدەنتىمەن جارتى ساعاتقا جوسپارلانعان كەزدەسۋ ەكى ساعاتقا جۋىق ۋاقىتقا سوزىلدى. كەزدەسۋ بارىسىندا تاجىكستان مەن ەقىۇ اراسىنداعى ىنتى­ماق­تاستىق, اتالعان ۇيىمنىڭ وسى ەل­دەگى ءوفيسىنىڭ جۇمىسى اڭگىمە وزە­گىنە اينالدى. وسى رەتتە ەقىۇ-نىڭ تاجىكستانداعى ءوفيسى ايماق­تاعى ەڭ ءبىر ۇلكەنى سانالاتىنىن ايتا كەتكەن ءجون. مۇندا 200-گە تار­تا قىزمەتكەر جۇمىس ىستەسە, سونىڭ 156-سى تاجىك ازاماتى بولىپ تابىلادى. سونداي-اق بۇل ەلدە ءوت­كەن جىلدان باستاپ ۇيىمنىڭ شە­كاراشىلاردى دايارلايتىن كوللەدجى جۇمىس ىستەي باستاپتى. وندا اي­ماقتاعى ەلدەردىڭ شەكارا قىزمەتى ماماندارىن وقىتۋ جۇرگىزىلۋدە. ۇستىمىزدەگى جىلى اتالعان وقۋ ور­نىندا اۋعاندىق شەكارا قىزمەت­كەر­لەرىن وقىتۋ قولعا الىناتىنى بەلگىلى بولدى. سونداي-اق اي­ماقتاعى پروب­لە­مالار, ناقتى ايت­قاندا, اۋعانستان مەن ورتالىق ازيا­داعى جاعدايلار بارىسى تال­قىعا سالىندى. تاجىك­ستان پرەزي­دەنتى ورىن العان وقي­عالاردى تەرەڭ سارالاۋ وسىنداعى ەقىۇ وكىلدى­گى­نىڭ جۇمىسىنا وتە پايدالى بولا­تىنىمەن ءبولىستى. سو­نىمەن بىرگە, ە.راحمون ۇيىمنىڭ سام­ميتىن ءوت­كىزۋ­دى قولداپ, فورۋم­نىڭ باستى تا­قىرىپتارىنىڭ ءبىرى اۋعانستانداعى جاعدايدى تۇراق­تان­دىرۋعا باعىت­تالۋى قاجەتتىگىن ايتتى. ەلىمىزگە ەرەكشە ىقىلاس تانى­تىپ كەلە جاتقان تاجىكستان پرە­زي­دەنتى ەمومالي راح­مون قازاقستان باسشىسى نۇر­سۇل­تان نازارباەۆتىڭ ورتالىق ازياداعى كوپجىلدىق ين­تە­گرا­تسيالىق جىگەرىن, تاجىكستان­داعى داعدارىس جاعدايى ورىن العان شاق­تا­عى ەڭبەگىن باعا­لاي­تىنىن ءبىلدىردى. تاجىك باسشى­سى­نىڭ ايتۋىنشا, ن.نازارباەۆ تەرەڭ ساياساتكەر, ونداي ساياساتكەر پوست­كە­ڭەستىك كەڭىستىكتە جوق. كەز كەلگەن ءما­سەلەنى تۇپكىلىكتى سارا­لاپ, پروب­لە­مانى تالقىلاۋدا جانە ونى شە­شۋدە تاباندىلىق تانىتا الادى. نۇرسۇلتان نازارباەۆ تەك قازاق­تارعا, قازاقستاندىقتارعا عانا ەمەس, سونداي-اق ورتالىق ازيا مەن پوستكەڭەستىك ايماققا دا كەرەك”, – دەدى ە.راحمون اعىنان جارىلىپ. ەقىۇ-نىڭ ءىس باسىنداعى ءتور­اعاسى قازاقستاننىڭ ۇيىمعا  ءتور­اعالىعى ايماق ءۇشىن قۇندى بولىپ تابىلاتىنىن ەرەكشە اتادى. ەڭ ال­دىمەن, ونىڭ جۇمىسى اۋعانستاننان تۋىندايتىن ەكسترەميزممەن جانە تەرروريزممەن كۇرەسپەن بايلا­نىس­تى. ولاي بولسا, ۇستىمىزدەگى جىلى تەرروريزممەن كۇرەس جونىندەگى كونفەرەنتسيا بولاتىنى دا ايتىپ ءوتىلدى. كونفەرەنتسيانىڭ باستى ماق­ساتى اۋعانستان مەن ونىڭ اي­نالاسىنداعى, ياعني ايماقتاعى پروبلەمالاردى تالقىعا سالۋ بول­ماق. سونىمەن قاتار, ارال ماسە­لەسىنىڭ دە نازاردان تىس قالماي­تى­نى بەلگىلى بولىپ وتىر. ق.ساۋدا­باەۆ ەقىۇ-عا مۇشە ەلدەردىڭ ارالدى وڭالدىرۋ ماقساتىندا ناق­تى ماتەريالدىق ۇلەس قوسۋ ءۇشىن دو­نورلىق كونفەرەنتسيا وتكىزىلەتى­نى­نەن دە حاباردار ەتتى. قورىتا كەلگەندە, تاجىكستان پرەزيدەنتىمەن بولعان كەزدەسۋ ناتيجەلىلىگىمەن ەرەكشەلەندى. مۇنداي كەزدەسۋلەردىڭ ەقىۇ-نىڭ ايماقتاعى ينتەگراتسيالىق ۇدەرىس­تەردى تەرەڭدەتۋگە وزىندىك ۇلەس قوسا­تىنىنا سەپتەسەتىنى كۇمانسىز. سو­نىمەن قاتار, ەلىمىزدىڭ ءبىلىم بەرۋ باعدارلامالارىن كۇشەيتىپ, كادر­لاردى دايارلاۋ ارقىلى ورتالىق ازيا مەن اۋعانستانداعى جاعدايدى تۇراقتاندىرۋعا كۇش سالعان يگى ماقساتىن تاعى ءبىر جاعىنان اشىپ كورسەتتى. اسقار تۇراپباي ۇلى.