پرەزيدەنت اكىمشىلىگىنىڭ كەلىسىمى بويىنشا جەتىسۋ وبلىستىق پوليتسيا دەپارتامەنتىنىڭ باستىعى قىزمەتىنە پوليتسيا گەنەرال-مايورى اتىعاي ارىستانوۆ تاعايىندالدى. جاڭا باستىقتى جەكە قۇرامعا قازاقستان رەسپۋبليكاسى ىشكى ىستەر ءمينيسترىنىڭ ورىنباسارى قايرات سۇنتاەۆ تانىستىردى.
پوليتسيا گەنەرال-مايورى اتىعاي ارىستانوۆ عازىمبەك ۇلى 1971 جىلدىڭ 19 قاراشاسىندا قوستاناي وبلىسىندا دۇنيەگە كەلگەن. ءبىلىمى – قۇقىقتانۋ, قۇقىق قورعاۋ قىزمەتىنىڭ ماگيسترى.
1998 جىلى اباي اتىنداعى الماتى مەملەكەتتىك ۋنيۆەرسيتەتىن, 2005 جىلى – قر ءىىم ب.بەيسەنوۆ اتىنداعى قاراعاندى زاڭ ينستيتۋتىنىڭ ماگيستراتۋراسىن ءبىتىردى. ىشكى ىستەر ورگاندارىندا 1992 جىلعى جەلتوقساننان باستاپ قىزمەت اتقارادى. ەڭبەك جولىن جەدەل قىزمەتكەردەن باستاپ قىزمەت جانە جەدەل جۇمىس باسشىسىنا دەيىن ءار ءتۇرلى لاۋازىمداردا اتقارعان.
2008-2010 جىلدارى – الماتى قالاسى ىشكى ىستەر دەپارتامەنتى بوستاندىق اۋدانى ىشكى ىستەر باسقارماسىنىڭ باستىعى.
2010-2012 جىلدارى – اقمولا وبلىسى ءىىد كريمينالدىق پوليتسيا باسقارماسىنىڭ باستىعى.
2012-2016 جىلدارى – قوستاناي وبلىسىنىڭ ىشكى ىستەر دەپارتامەنتى باستىعىنىڭ ءبىرىنشى ورىنباسارى.
2016 جىلى – قازاقستان رەسپۋبليكاسى ءىىم كريمينالدىق پوليتسيا دەپارتامەنتى باستىعىنىڭ ورىنباسارى.
2016-2019 جىلدارى – قازاقستان رەسپۋبليكاسى ءىىم ەكسترەميزمگە قارسى ءىس-قيمىل دەپارتامەنتىنىڭ باستىعى.
2019-2021 جىلدارى – اقتوبە وبلىسى پد باستىعى.
2021 جىلعى 16 قازاننان باستاپ – قازاقستان رەسپۋبليكاسى ءىىم اكىمشىلىك پوليتسيا كوميتەتىنىڭ توراعاسى.
ءىى دارەجەلى «ايبىن» وردەنى مەملەكەتتىك ماراپاتىنىڭ يەگەرى.
