وبلىستىق پوليتسيا دەپارتامەنتىنىڭ مالىمەتىنشە, كولىك اپاتىنان زارداپ شەككەن كىشكەنتاي بالا - 6 جاستا.
«15 شىلدە كۇنى ساعات 15:00 شاماسىندا قاراتال اۋداندىق پوليتسياسىنا كولىك اپاتى بولعاندىعى جونىندە حابارلاما ءتۇستى. وقيعا ۇشتوبە-كوپبىرلىك جولىندا بولعان.
انىقتالعانداي, «تويوتا-ەستيما« كولىگىن 42 جاستاعى ادام تىزگىندەگەن. جۇرگىزۋشى رولگە يە بولا الماي, اۋدارىلعان. كولىكتە 4 ادام بولعان. ونىڭ بىرەۋى - كامەلەتتىك جاسقا تولماعان جەتكىنشەك. كولىك اپاتى سالدارىنان جۇرگىزۋشى مەن ەكى جولاۋشى مەرت بولدى. كىشكەنتاي بالا ءتۇرلى دەنە جاراقاتىمەن اۋرۋحاناعا جەتكىزىلدى», دەلىنگەن ۆەدومستۆونىڭ حابارلاماسىندا.
اتالعان فاكتى بويىنشا قك-ءتىڭ 345 بابىنا سايكەس تەرگەۋ ءجۇرىپ جاتىر.
