بوسقىن مارتەبەسىن العان باسپانا سۇراعان يمميگرانتتارعا, سونىمەن قاتار ولاردىڭ وتباسى مۇشەلەرىنە ءوتىنىشى بويىنشا بەلگىلەنگەن تارتىپپەن ۇزارتۋ مۇمكىندىگىمەن ءۇش ايعا ۋاقىتشا تۇرۋعا رۇقسات بەرىلەتىنى تۋرالى تارماق قوسىلدى.
بۇعان دەيىن قۇجاتتا پانا ىزدەۋشىلەر مەن بوسقىنداردى تىركەۋ مەرزىمدەرى كورسەتىلمەي, ولارعا قاتىستى ءىس قازاقستاننىڭ بوسقىندار تۋرالى زاڭناماسىندا بەلگىلەنگەن تارتىپپەن جۇرگىزىلەتىنى ايتىلعان.
سونىمەن قاتار ادام ساۋداسىنىڭ قۇرباندارى تۋرالى تارماق قوسىلدى. وسىلايشا قازاقستان اۋماعىندا ادام ساۋداسىنىڭ قۇرباندارى دەپ تانىلعان جانە انىقتالعان كوشىپ كەلۋشىلەرگە جەرگىلىكتى اتقارۋشى ورگاننىڭ ءوتىنىشى بويىنشا ءۇش اي التى ايعا ۇزارتۋ مۇمكىندىگىمەن, بىراق ودان كوپ ەمەس ۋاقىتشا تۇرۋعا رۇقسات بەرۋ كوزدەلىپ وتىر.
سونىمەن قاتار قولدانىستاعى زاڭناماعا ساي ارناۋلى الەۋمەتتىك قىزمەتتەردىڭ كەپىلدىك بەرىلگەن كولەمىن كورسەتۋ پروتسەسى اياقتالعانعا دەيىن ولار رەسپۋبليكادان شىققان مەملەكەتىنە (شەتەلدىك ازاماتتىعى بار ەلگە) شىعارىپ جىبەرۋگە جاتپايتىنى, ونىڭ بارىسىندا قۇقىق قورعاۋ ورگاندارىنا جۇگىنۋ جانە ولارمەن ىنتىماقتاسۋ تۋرالى شەشىم قابىلدانادى.
تۇزەتۋلەر 2 تامىزعا دەيىن تالقىلاۋ ءۇشىن اشىق نقا ۆەب-سايتىندا جاريالانعان.
