سانيتاريالىق-ەپيدەميولوگيالىق باقىلاۋ كوميتەتى بالالار ويىنشىقتارىنىڭ قاۋىپسىزدىگى ماسەلەسىن ەرەكشە باقىلاۋدا ۇستايدى. كوميتەت قىزمەتكەرلەرى اي سايىن مونيتورينگ جۇرگىزەدى, زەرتتەۋ ءۇشىن ويىنشىق ۇلگىلەرىن الادى, سايكەسسىزدىكتەردى انىقتايدى.
ءونىمنىڭ قاۋىپسىزدىگىن مونيتورينگتەۋ اياسىندا سانيتاريالىق-ەپيدەميولوگيالىق باقىلاۋ كوميتەتى بالالار ويىنشىقتارىنىڭ 1499 ۇلگىسىن زەرتتەدى. تەكسەرۋ ناتيجەسىندە 706 ۇلگى «ويىنشىقتاردىڭ قاۋىپسىزدىگى تۋرالى» تالاپتارعا سايكەس كەلمەدى, بۇل 47,1%-دى قۇرادى. ونىڭ ىشىندە, وتاندىق - 9 (1,3%), ەاەو-عا مۇشە مەملەكەتتەر - 59 (8,4%), باسقا ەلدەر - 638 (90,3%).
بۇزۋشىلىقتاردىڭ نەگىزگى بولىگى تاڭبالاۋ تالاپتارىن بۇزۋعا جاتادى - 97,6%, ورگانولەپتيكالىق كورسەتكىشتەر بويىنشا - 3,3%. سانيتاريالىق-حيميالىق بويىنشا 23 ۇلگىدە قاۋىپسىزدىك كورسەتكىشتەرىنىڭ اسىپ كەتۋى انىقتالدى.
ونىڭ ىشىندە:
- كسيلول — 5 ويىنشىق (Novel special «رىبالكا» ويىن جيىنتىعى, Fighting Eagle تاپانشاسى, 6+ جاستان اسقان بالالارعا ارنالعان «GYROSCOPE SERIES», پلاستماسسادان جاسالعان قۋىرشاق, «L.O.L surprise!», قحر ىدىس جيىنتىعى);
- بەنزول — 4 ويىنشىق («FREEZE II» قۋىرشاعى, «لاريسا MONSTER GIRL» قۋىرشاعى, «THUNDERCYRO» بالالارعا ارنالعان پلاستماسسادان جاسالعان ۇشاتىن ديسك ويىنشىعى, قحر ىدىستار جيىنتىعى);
- فەنول — 3 ويىنشىق («ۆكۋسنياشكا» انتيسترەسس ويىنشىعى, «Lovely baby» قۋىرشاق ويىنشىعى, «يۋلا» بالالار ويىنشىعى);
- گەپتان — 2 ويىنشىق ( «ۆوەننىي» ويىنشىق جيناعى, پيانينو «Little musicial» بالالار ويىنشىعى);
- فورمالدەگيد — 3 ويىنشىق (اۆتوموبيل ترانسفورماتورى ميني W توبوت, «قۋىرشاق» ويىنشىعى, قحر ىدىس جيىنتىعى);
- ەتيلاتسەتات — 1 ويىنشىق («Baby Shop» قۋىرشاعى);
- ستيرول — 2 ويىنشىق (پلاستماسسادان جاسالعان قۋىرشاق, «L.O.L surprise!», قحر ىدىستار جيىنتىعى), مەتيل ءسپيرتى — 1 ويىنشىق («لاريسا MONSTER GIRL» قۋىرشاعى), يزوپروپيل ءسپيرتى — 1 ويىنشىق («Baby Shop» قۋىرشاعى), يزوبۋتيل ءسپيرتى — 1 ويىنشىق ( «Baby Shop قۋىرشاعى). انىقتالعان بۇزۋشىلىقتاردىڭ بارلىق فاكتىلەرى بويىنشا كاسىپكەرلىك سۋبەكتىلەرىنە ونى جويۋ ءتارتىبىن مىندەتتى تۇردە تۇسىندىرە وتىرىپ, قازاقستان رەسپۋبليكاسى زاڭناماسىنىڭ تالاپتارىن بۇزۋشىلىقتاردى جويۋ تۋرالى ۇيعارىم بەرىلدى. 21,5 كگ ويىنشىقتار ساۋدا كاسىپورىندارىندا ساتۋدان الىندى. ساتۋعا قويىلعان ءونىم ونىڭ قاۋىپسىزدىگىن راستايتىن قۇجاتتارسىز ساتىلدى.
كەيبىر ويىنشىقتار ءۇشىن قىرعىز جانە رەسەي سەرتيفيكاتتاۋ ورگاندارى بەرگەن سايكەستىك سەرتيفيكاتتارى ۇسىنىلعان, وسىعان بايلانىستى رەسەي فەدەراتسياسىنىڭ سايكەستىكتى راستاۋ ورگاندارى بەرگەن سايكەس كەلمەيتىن ويىنشىقتارعا سايكەستىك سەرتيفيكاتتارىنىڭ قولدانىلۋىن توقتاتۋ ءۇشىن قازاقستان رەسپۋبليكاسى ساۋدا جانە ينتەگراتسيا مينيسترلىگىنىڭ تەحنيكالىق رەتتەۋ جانە مەترولوگيا كوميتەتىنە 2 ماتەريال جىبەرىلدى.
