اقتوبە قالاسى ورلەۋ اۋىلىندا سۋعا تۇسۋگە ارنالماعان ورىندا ءبىر ءۇيدىڭ 2006 جىلعى جانە 2004 جىلعى ەكى ادامى سۋعا باتىپ كەتكەن. وقيعا ورنىنا دەرەۋ قۇتقارۋشىلار جەتتى. قۇتقارۋشىلار دروننىڭ كومەگىمەن 16 جاستاعى ءجاسوسپىرىم مەن 18 جاستاعى ازاماتتىڭ دەنەسىن تاپتى. ولار جاعادان 13-15 مەتر قاشىقتىقتا 1,8-2 مەتر تەرەڭدىكتەن شىعارىلدى.
«كەشە ساعات 20:40-تا اقتوبە قالاسى, كوممۋنالدىق جاعاجاي اۋدانىندا (قاراما-قارسى بەتىندە) سۋعا تۇسۋگە جابدىقتالماعان ورىندا 2 ادامنىڭ سۋعا باتىپ كەتكەنى جونىندە اقپارات كەلىپ ءتۇستى. شاقىرتۋ ورنىنا قۇتقارۋشىلار جەتكەن كەزدە 19 جانە 20 جاستاعى ازاماتتاردىڭ سۋعا باتقانى انىقتالدى. قۇتقارۋشىلاردىڭ كۇشىمەن ولاردىڭ دەنەسى جاعادان 40 مەتر قاشىقتىقتا 5 مەتر تەرەڭدىكتەن شىعارىلدى», دەدى وبلىستىق تجد ءباسپاسوز قىزمەتى.
ايتا كەتەيىك, اقتوبە وبلىسىندا سۋعا تۇسۋگە رۇقسات ەتىلگەن 72 ورىن بار. ال اقتوبە قالاسى بويىنشا 18 جاعاجاي بەلگىلەنگەن. ونىڭ ىشىندە ءبىر اكۆاپارك, ءبىر كوممۋنالدىق جانە 16 جەكە جاعاجاي.
اقتوبە وبلىسىنىڭ تج دەپارتامەنتى سۋ ايدىندارىنداعى قاۋىپسىزدىك ەرەجەلەرىن ساقتاپ, رۇقسات ەتىلگەن ورىندارعا عانا سۋعا تۇسۋگە كەڭەس بەرەدى.
