«9 ماۋسىمدا ءبولىم باسشىسى ب.ا.-ءدان ا.بوكەيحانوۆتىڭ ءمۇسىنىن دايىنداۋعا مەملەكەتتىك ساتىپ الۋ تۋرالى شارت جاساسقانى ءۇشىن ميلليون تەڭگە كولەمىندە پارا العان», دەدى پاۆلودار وبلىستىق سوتى.
سوتتالۋشىنىڭ كىناسى كۋاگەرلەردىڭ ايعاقتارىمەن, قۇجاتتىق دالەلدەمەلەرمەن, ساراپتاما قورىتىندىلارىمەن دالەلدەندى.
پروكۋرور سامال بەگالينوۆانى ءۇش جىلعا باس بوستاندىعىنان ايىرۋدى سۇرادى. سامال بەگالينوۆا ءوز كىناسىن تولىق مويىنداپ, باس بوستاندىعىنان ايىرماۋدى ءوتىندى.
«قىلمىستىق كودەكستىڭ 366-بابىنىڭ 2-بولىگىنىڭ سانكتسياسىندا ايىپپۇل نەمەسە باس بوستاندىعىنان ايىرۋ تۇرىندەگى نەگىزگى جازا قاراستىرىلعان. اۋىر سىبايلاس جەمقورلىق قىلمىس جاساعانىن ەسكەرە وتىرىپ, سوت ونى العان پارا سوماسى – ءبىر ميلليون تەڭگە تاركىلەۋمەن ءۇش جىلعا باس بوستاندىعىنان ايىردى. سوتتالۋشىنىڭ جالعىز ءوزى تاربيەلەپ وتىرعان ەكى كىشكەنتاي بالاسى (12 جانە 4 جاستا) بار ەكەندىگىن ەسكەرە وتىرىپ, ونىڭ باس بوستاندىعىنان ايىرۋ جازاسى 5 جىلعا كەيىنگە قالدىرىلدى», دەلىنگەن حابارلامادا.
سونداي-اق وعان ءومىر بويىنا مەملەكەتتىك قىزمەتتە جۇمىس ىستەۋگە تىيىم سالىنعان. سوتتالعاننىڭ ءتارتىبىن باقىلاۋ تۇرعىلىقتى جەرى بويىنشا پروباتسيا قىزمەتىنە جۇكتەلەدى.
ۇكىم زاڭدى كۇشىنە ەنگەن جوق.
