«17 شىلدە كۇنى جەرگىلىكتى ۋاقىتپەن ساعات 19:02-دە اقتوبە وبلىسى العا اۋدانىنىڭ توتەنشە جاعدايلار ءبولىمىنىڭ «101» جەلىسىنە «ليمانگاز» جشس اۆتوگاز قۇيۋ ستانتسياسىنداعى ءورت تۋرالى حابار كەلىپ ءتۇستى. ءورتتى اقتوبە وبلىسى العا اۋداندىق ءورت ءسوندىرۋ قىزمەتى ءسوندىردى», دەلىنگەن ۆەدومستۆونىڭ اقپاراتىندا.
الدىن الا اقپارات بويىنشا, ءورت سالدارىنان قازا تاپقاندار مەن زارداپ شەككەندەر جوق.
«گاز قۇيۋ بەكەتى كۇندىزگى ساعات 12-دەن باستاپ جۇمىس ىستەمەگەن. بەكەت اۋماعىندا 2 قىزمەتكەر بولعان. كۋاگەرلەردىڭ ايتۋىنشا, ورتەنگەن تسيستەرنا بوس بولعان», دەيدى ۆەدومستۆو وكىلدەرى.
العا اۋدانىنىڭ توتەنشە جاعدايلار ءبولىمى ءورت سەبەبىن انىقتاۋ ءۇشىن تەحنيكالىق ساراپتاما تاعايىندادى.
سونداي-اق كوميتەت بولعان جايتتىڭ ءمان-جايىن انىقتاۋ ماقساتىندا ارنايى كوميسسيا قۇرىلاتىنىن جانە وقيعا ورنىنا مەملەكەتتىك ينسپەكتوردىڭ جىبەرىلگەنىن حابارلادى.
«تولىق اقپارات تەرگەۋ جۇرگىزىلىپ, ءورتتىڭ ءمان-جايى انىقتالعاننان كەيىن جاريالانادى», دەپ تۇيىندەدى كوميتەت وكىلدەرى.
