وبلىس اكىمى اندرەي كارانداشوۆقا «وبلىس الدىندا سىڭىرگەن ەڭبەگى ءۇشىن» ءتوس بەلگىسى مەن ءۇش بولمەلى ءۇيدىڭ كىلتىن سىيلاپ, ەرلىگى ءۇشىن العىس ايتتى.
«بۇل شىن مانىندە ەرلىك ەمەس, ءبىز ءۇشىن باعا جەتپەس جانە ءسىز قۇتقارعان بالالار ءۇشىن اسا ماڭىزدى ناعىز قاھارماندىق ارەكەت. مەن وڭىرىمىزدە ءسىز سياقتى ازاماتتار بولعانى ءۇشىن ماقتانامىن. اتا-اناڭىزعا وزىڭىزدەي ەلىمىزدىڭ ادال ازاماتىن تاربيەلەگەنى ءۇشىن كوپ راحمەت. سىزگە ءوڭىر تۇرعىندارىنىڭ اتىنان العىس ايتامىن», دەدى ابىلقايىر سقاقوۆ.
اندرەي كارانداشوۆ اقتوعاي اۋدانىنداعى پريرەچەنسك اۋىلىنىڭ تۋماسى. وتباسىندا ەكى بالا تاربيەلەپ وتىرعان اكە. قازىرگى كەزدە «اقتوعاي-اگرو» جشس-دە جۇمىس ىستەيدى. وسى ۋاقىتقا دەيىن ونىڭ وتباسى جالدامالى ۇيدە تۇرعان ەدى.
بۇعان دەيىن وتىز ءۇش جاستاعى اۋىل تۇرعىنىن پاۆلودار وبلىسىنىڭ توتەنشە جاعدايلار دەپارتامەنتىندە جانە اقتوعاي اۋدانىنىڭ اكىمدىگىندە ماراپاتتاعان.
ەسكە سالا كەتەيىك, توتەنشە جاعداي 2022 جىلدىڭ 15 شىلدەسى كۇنى اقتوعاي اۋدانىنىڭ پريرەچەنسك اۋىلىندا بولعان. ءبىر وتباسىنىڭ جەتى جاسار ەگىز ۇلى مەن ولاردىڭ توعىز جاسار اعاسى ەرتىسكە باتىپ كەتە جازدادى. اۋىلداستارىنىڭ جەدەل ارەكەتىنىڭ ارقاسىندا بالالاردىڭ ۇشەۋى دە امان قالدى. ول بالالارعا وقيعا ورنىندا العاشقى مەديتسينالىق كومەك كورسەتكەن.
