ÖZINŞE دەپ اتالاتىن ونلاين كينوتەاتردا ءارتۇرلى جاستاعى بالالارعا ارنالعان تولىقمەتراجدى انيماتسيالىق جانە كوركەم فيلمدەر, كوميكستەر, مۋلتحيكايالار, تەلەسەريالدار مەن سيتكومدار توپتاسقان.
جوبانىڭ تۇساۋكەسەرىنە قر اقپارات جانە قوعامدىق دامۋ ءمينيسترى اسقار وماروۆ قاتىسىپ, پلاتفورما جۇمىسىنا قولداۋ بىلدىرەتىنىن جەتكىزدى.
سونىمەن قاتار شاراعا قاتىسقان حالىقارالىق تۇركى اكادەمياسىنىڭ پرەزيدەنتى, «ەگەمەن قازاقستان» جشس باس ديرەكتورى دارحان قىدىرالى, ءماجىلىس دەپۋتاتى جۇلدىز سۇلەيمەنوۆا, «وتانداستار» قورىنىڭ توراعاسى ابزال ساپاربەك ۇلى, «AMANAT» پارتياسىنىڭ حاتشىسى داۋلەت كارىبەك, پرەزيدەنت جانىنداعى جاستار كەڭەسىنىڭ مۇشەسى ولجاس سۇلەيمەنوۆ قۇتتىقتاۋ لەبىزدەرىندە بالالارعا ارنالعان مۇنداي قوسىمشانىڭ وزەكتىلىگىن ايتىپ, جۇمىسىنا ساتتىلىك تىلەدى.
بۇدان بولەك, تۇساۋكەسەرگە ءماجىلىس دەپۋتاتى ەلدوس اباقانوۆ, «رۋحاني جاڭعىرۋ» ققدي باسقارما توراعاسىنىڭ ورىنباسارى امانبەك تولەپبەرگەنوۆ, «Balapan» ارناسىنىڭ ديرەكتورى قىمبات دوسجان, ەلباسى اكادەمياسى قق باسقارۋشى ديرەكتورى مۇرات جۇمانباي, «قازاقستان كۆن وداعىنىڭ» توراعاسى ەسەن ەلەۋكەن, ء«بىز بىرگەمىز» قق ءتورايىمى پەريزات قايرات سىندى قوعام بەلسەندىلەرى, جۋرناليستەر مەن بلوگەرلەر قاتىستى.
ستريمينگ پلاتفورمانى جۇزەگە اسىرۋشى اۆتورلارى, بالالار كونتەنتىن جاساۋشى ماماندار ماقپال جۇماباي مەن ساندۋعاش بايماحانقىزىنىڭ ايتۋىنشا, بۇل جوبا 2020 جىلى قولعا الىندى.
جوبانىڭ برەند-امباسسادورى داۋلەت مۇقاەۆ ءوز سوزىندە ءار اتا-اناعا بالالارىنا اتالعان قوسىمشانى جۇكتەپ بەرۋگە كەڭەس بەردى. ونىڭ ايتۋىنشا, ÖZINŞE تەك ونلاين كينوتەاتر عانا ەمەس, بالالارعا انا تىلىندە ساپالى, تاربيەلى كونتەنت ۇسىناتىن سەنىمدى الاڭ.
جاڭا سەرۆيس قازاقستان حالقىنىڭ 12%-ىن, ياعني 2 264 600 ادامدى قۇرايتىن بالالاردىڭ جانە شەتەلدەگى قازاق جاسوسپىرىمدەردىڭ سۇرانىسىنا قىزمەت ەتەدى.
ءموبيلدى قوسىمشانىڭ اتاۋى ەرەكشە مانگە يە. ÖZINŞE ستريمينگ-پلاتفورماسى ومىردە ءوز قالاۋىن ەركىن جاساپ, ءوز تاڭداۋىمەن ءومىر سۇرۋگە ۇمتىلعان بۇگىنگى جاڭاشىل جاسوسپىرىمدەرگە ارنالعان.
ءموبيلدى قوسىمشانى كەز كەلگەن ادام IOS جانە Android ءموبيلدى وپەراتسيالىق جۇيەلەرىندە تەگىن جۇكتەي الادى.
بۇگىندە سەرۆيسكە كولەمى 3400 مين قۇرايتىن مۋلتسەريالدار مەن تەلەسەريالداردىڭ ليتسەنزيالىق قۇقىقتارى ساتىپ الىنىپ, جۇكتەلدى. قازىرگى ۋاقىتتا ÖZINŞE Nickelodeon تەلەارناسىمەن جانە باسقا دا الەمدىك ستۋديا وكىلدەرىمەن كەلىسسوزدەر جۇرگىزىپ جاتىر. جوبا اۆتورلارى جۇيەنىڭ جۇيەلى تۇردە جاڭارىپ, تولىقتىرىلىپ وتىراتىنىن جەتكىزدى.
ايتا كەتسەك, ÖZINŞE ۇجىمى دايىن ونىمدەردى ساتىپ الۋدان بولەك, وزىندىك جوبالار ءوندىرىسىن دە قولعا الدى. جۋىردا بالالار مەن جاسوسپىرىمدەرگە ارنالعان 2 جوبا ءتۇسىرىلىمى باستالادى.
