ۆەدومستۆو باسشىسىنىڭ ايتۋىنشا, بۇگىنگى تاڭدا اۋە كولىگىندەگى جولاۋشىلار سانىنىڭ كوبەيگەنى بايقالادى. بۇل ءوز كەزەگىندە رەيستەردىڭ كەشىگۋىنە اكەپ سوعىپ, وتانداستارىمىزدىڭ نارازىلىعىن تۋدىرىپ وتىر.
«قالىپتاسقان ماسەلەنى جەدەل شەشۋ ماقساتىندا قازاقستاندىق اۆياتاسىمالداۋشىلارعا جاڭا ۇشاقتار ساتىپ الۋدى تاپسىردىم. وسىلايشا, جىلدىڭ سوڭىنا دەيىن جالپى سىيىمدىلىعى 2,5 مىڭ ورىندى قۇرايتىن 14 جاڭا ۇشاق پايدالانۋعا بەرىلەتىن بولادى», دەپ جازدى مينيستر.
سونىمەن بىرگە اۋە تاسىمالدارىنا قاتىستى سۇرانىس جىلدان جىلعا ارتىپ كەلە جاتقاندىقتان, قازاقستاندىق اۋە كەمەلەرى پاركى 2025 جىلعا دەيىن 51 بىرلىككە ۇلعاياتىن بولدى. جالپى رەيستەردىڭ كەشىگۋ فاكتىلەرى بويىنشا ءتۇسىپ جاتقان شاعىمداردى ەسكەرە كەلە, يدم باسشىسىنىڭ تاپسىرماسى بويىنشا ازاماتتىق اۆياتسيا كوميتەتى مەن قازاقستاننىڭ اۆياتسيالىق اكىمشىلىگى ءتيىستى تەرگەۋ امالدارىن باستاپ كەتتى.
ەگەر جولاۋشىلاردىڭ قۇقىقتارىن بۇزۋ فاكتىلەرى انىقتالسا, ءتيىستى اۆياكومپانيالار اكىمشىلىك جاۋاپقا تارتىلاتىن بولادى.
قازىرگى ۋاقىتتا جولاۋشىلاردى 75 ۇشاق تاسىمالدايدى. 2022 جىلدىڭ جارتى جىلىندا تاسىمالدانعان جولاۋشىلاردىڭ سانى وتكەن جىلدىڭ سايكەس كەزەڭىمەن سالىستىرعاندا 10%-عا وسكەن. پاندەمياعا دەيىنگى كەزەڭمەن سالىستىرعاندا ءوسىم 28 پايىزدى قۇرايدى.
