كەشە اقتوبە وبلىسى العا اۋدانىنداعى گاز قۇيۋ بەكەتىندە تسيستەرنا جارىلىپ, كولىك پەن اكىمشىلىك عيمارات جانىپ كەتكەن ەدى.
«سىيىمدىلىعى 46 تەكشە مەتر تسيستەرنانىڭ جارىلۋىنان شىققان ءورت 22 شارشى مەتر الاڭدى شارپىعان. سالدارىنان Toyota Camry ماركالى ءبىر جەڭىل اۆتوكولىك, ءبىر جۇك تيەۋ اۆتوتەحنيكاسى جانىپ كەتتى. قازا بولعاندار مەن زارداپ شەككەندەر جوق. قازىرگى ۋاقىتتا ءورتتىڭ سەبەپتەرى انىقتالىپ جاتىر», دەدى نۇربولات دەربىسوۆ ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
اتالعان فاكتى بويىنشا قر قك 292-بابىنىڭ 1-بولىگى ء«ورت قاۋىپسىزدىگى تالاپتارىن بۇزۋ» بويىنشا قىلمىستىق ءىس قوزعالدى. وسى باپقا سايكەس, كىنالى ادام 3 مىڭ اەك-كە دەيىن ايىپپۇل سالۋ نەمەسە سول مولشەردە تۇزەۋ جۇمىستارى نەمەسە 800 ساعاتقا دەيىن قوعامدىق جۇمىستارعا تارتۋ نەمەسە 3 جىلعا دەيىن مەرزىمگە باس بوستاندىعىن شەكتەۋ نەمەسە سول مەرزىمگە باس بوستاندىعىنان ايىرۋ تۇرىندە جازالانۋى مۇمكىن.
