«وتكەن كەزدەسۋدە «زەردەلى» شاعىناۋدانىنىڭ تۇرعىندارى بالالارعا قاۋىپ توندىرەتىن, سالىنىپ بىتپەگەن ەكى كوپقاباتتى ۇيگە جانە ۇيلەردىڭ سەيسميكالىق كۇشەيتۋ جۇمىستارىن اياقتاۋ قاجەتتىلىگىنە قاتىستى الاڭداۋشىلىق بىلدىرگەن ەدى. تۇرعىنداردىڭ ءوتىنىشى بويىنشا وسى جىلدىڭ سوڭىنا دەيىن اۋدانداعى اپاتتى ۇيلەردى بۇزۋ تۋرالى شەشىم قابىلداندى. ولاردىڭ ورنىنا جاسىل ساياباق ايماعى مەن بالالار الاڭىن سالۋدى كوزدەپ وتىرمىز», دەدى ەربولات دوساەۆ.
ونىڭ ايتۋىنشا, بيىل شاعىناۋدانداعى 63 ءۇيدىڭ قاسبەتتەرى سىرلانادى. قاجەتتى قارجى ءبولىنىپ, مەردىگەر ۇيىم انىقتالعان. جۇمىستار تامىز ايىندا باستالادى.
«شاعىن اۋدانداعى ۇيلەردى جوندەۋ جۇمىستارى جۇرگىزىلىپ, قۇلاعالى تۇرعان ۇيلەر ماسەلەسى شەشىلەدى. بۇگىنگى كۇنى بارلىعى 30 ءۇيدىڭ 23-ءى بويىنشا نىعايتۋ جۇمىستارى اياقتالدى. قالعان 7 ءۇي بويىنشا جۇمىستار بيىل جەلتوقسان ايىنا دەيىن اياقتالادى», دەدى قالا اكىمى.
