وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, جول-كولىك وقيعاسى بۇگىن, 17 شىلدەدە ماقات اۋدانىنىڭ اۋماعىندا بولعان. وسى اۋدانداعى بايگەتوبە اۋىلى باعىتىنداعى تاسجولدىڭ بۇرىلىسىندا جەرگىلىكتى ۋاقىتپەن ساعات 14:09 شاماسىندا «Lada Priora» كولىگى جول جيەگىنە اۋدارىلىپ قالعان. جول اپاتىنىڭ سالدارىنان كولىكتى باسقارعان جۇرگىزۋشى وقيعا ورنىندا مەرت بولدى. جۇرگىزۋشىنىڭ جاسى – 48-دە. ال, كولىكتە وتىرعان 1974 جىلعى جولاۋشى ءار ءتۇرلى دەنە جاراقاتىن الدى. زارداپ شەككەن جولاۋشى ماقات اۋداندىق ورتالىق اۋرۋحاناسىنا جەتكىزىلدى.
«قازىر ماقات اۋداندىق پوليتسيا ءبولىمىنىڭ قىزمەتكەرلەرى اتالعان جول-كولىك وقيعاسىنا بايلانىستى تەرگەۋدى باستادى. تەرگەۋ قر قىلمىستىق كودەكسىنىڭ 345-بابىمەن تەرگەۋ ءجۇرىپ جاتىر», دەپ حابارلادى دەپارتامەنتتىڭ ءباسپاسوز قىزمەتى.
