جۋكاەۆ جارتىلاي فينالدا جارىستىڭ ەكىنشى راكەتكاسى, ۇندىستاندىق پرادجنەش گۋننەسۆارانمەن شەبەرلىك بايقاستى. اقتاۋ تەننيس مەكتەبىنىڭ تۇلەگى 2 ساعات 6 مينۋتقا سوزىلعان كەزدەسۋدە 4:6, 6:3, 6:4 ەسەبىمەن جەڭىسكە جەتتى. قازاقستاندىق تەننيسشى باسەكە بارىسىندا 13 ەيس جاساپ, 2 برەيككە قول جەتكىزدى. بەبىت ەلورداداعى دودانىڭ فينالىندا وزبەكستاندىق سەرگەي فومينمەن باس جۇلدەنى ساراپقا سالادى.
تاعى ءبىر قازاقستاندىق دەنيس ەۆسەەۆ جۇپتىق سىندا بەلارۋس وكىلى يۆان ليۋتارەۆيچپەن بىرگە فينالدا ەستونيالىقتار دانيل گلينكا - كارل ساارعا ەسە جىبەردى - 6:7, 3:6.
