«الەۋمەتتىك جەلىلەردەگى Air Astana جانە FlyArystan اۆياكومپانيالارىنىڭ الماتى – مالە, نۇر-سۇلتان – تاشكەنت جانە الماتى – قوستاناي رەيستەرى, سونداي-اق باسقا دا باعىتتاردىڭ كەشىگۋ فاكتىلەرىنە قاتىستى جولاۋشىلاردىڭ كوپتەگەن شاعىم-وتىنىشتەرىنە بايلانىستى قر يدم ازاماتتىق اۆياتسيا كوميتەتى جانە قازاقستاننىڭ اۆياتسيالىق اكىمشىلىگى ءتيىستى تەرگەۋ جۇرگىزەتىن بولادى.
رەيستەر كەشىكتىرىلگەن نەمەسە ورىندالماعان كەزدە جولاۋشىلاردىڭ قۇقىقتارىن بۇزۋ فاكتىلەرى بولعانى انىقتالعان جاعدايدا اۆياكومپانيالار اكىمشىلىك جاۋاپكەرشىلىككە تارتىلادى», دەلىنگەن ازاماتتىق اۆياتسيا كوميتەتىنىڭ حابارلاماسىندا.
«سونىمەن قاتار تاسىمالداۋشىنىڭ كىناسىنەن رەيس كىدىرگەن نەمەسە ورىندالماعان جاعدايدا قولدانىستاعى زاڭناماعا سايكەس, جولاۋشىلارعا تەگىن نەگىزدە انا مەن بالا بولمەسى, رەيستى 2 ساعات كۇتكەن كەزدە سالقىن سۋسىندار, 4 ساعات كۇتكەن كەزدە ىستىق تاماق (بۇدان ءارى كۇندىزگى ۋاقىتتا ءاربىر 6 ساعات جانە تۇنگى ۋاقىتتا 8 ساعات), سونداي-اق رەيستى كەرى قايتارعان كەزدە ىستىق تاماق بەرىلەدى. سونداي-اق كۇندىزگى ۋاقىتتا 8 ساعاتتان ارتىق جانە تۇنگى ۋاقىتتا 6 ساعاتتان ارتىق رەيستى كۇتكەن كەزدە قوناق ۇيدە تۇرۋ, تۇراتىن جەرىنە دەيىن جانە اۋەجايعا اپاراتىن كولىك بەرىلەدى», دەپ ناقتىلادى ازاماتتىق اۆياتسيا كوميتەتىنەن.
