قاراعاندى قالالىق پوليتسيا باسقارماسىنا قاراستى ورتالىق پوليتسيا بولىمىنە 15 شىلدە كۇنى ساعات 21.00 شاماسىندا قالاداعى اۋرۋحانالاردىڭ بىرىنە جاڭا تۋعان ءسابي جەتكىزىلگەنى تۋرالى حابارلاما تۇسكەن. ءسابي كوپقاباتتى ۇيلەردىڭ اۋلاسىنان قوراپ ىشىنەن تابىلعان. وقيعا ورنىنا شۇعىل تۇردە جەدەل-تەرگەۋ توبى جەتتى. كۋاگەردىڭ ايتۋىنشا, ول كەشكىلىك ۋاقىتتا ۇيىنەن شىعىپ بارا جاتىپ اۋلاداعى ورىندىقتا تۇرعان كارتون قورابتى كورگەن. ىشىنەن كورپەشەگە ورالعان ءسابيدى كورىپ جاقىن ماڭداعى اۋرۋحاناعا جەتكىزگەن. دارىگەرلەر اناسى شامامەن ەكى ساعات بۇرىن ءۇي جاعدايىندا بوسانعانىن ايتتى.
«نارەستە مەرزىمىنەن بۇرىن دۇنيەگە كەلگەندىكتەن, جاعدايى ازىرگە اۋىر. قازىر بالا پەريناتالدىق ورتالىقتا دارىگەرلەردىڭ باقىلاۋىندا», دەپ حابارلادى قاراعاندى وبلىسى پوليتسيا دەپارتامەنتىنىڭ ءباسپاسوز قىزمەتى.
پوليتسيا قىزمەتكەرلەرى جەدەل-ىزدەستىرۋ ءىس-شارالارى بارىسىندا بالانىڭ 23 جاستاعى اناسىن انىقتاپ, ۇستادى. اتالعان فاكتى پوليتسيادا تىركەلىپ, تەرگەۋ امالدارى باستالدى.
