ماۋسىم ايىنىڭ سوڭىندا جپقب تابيعاتتى قورعاۋ پوليتسياسى توبىنىڭ قىزمەتكەرلەرى كۇرشىم اۋدانىنىڭ بالىق ينسپەكتسياسى قىزمەتكەرلەرىمەن بىرلەسىپ, تاڭەرتەڭ العاباس اۋىلىنان 6 شاقىرىم جەردەگى ساياجاي جولىندا ءوز اۆتوكولىگىمەن 85 كەلى ءتۇرلى بالىق الىپ بارا جاتقان 49 جاستاعى جەرگىلىكتى تۇرعىندى توقتاتقان. ۇستالعان ازاماتتىڭ قاسىندا 38 كەلى شورتان, 32 كەلى كوكسەركە جانە 15 كەلى موڭكە بالىعى بولعان. كەلتىرىلگەن شىعىن 445 مىڭ تەڭگەدەن استام سوماعا باعالانادى.
جاۋاپ الۋ كەزىندە قىلمىسكەر ءوز كىناسىن مويىندادى. اتالعان فاكتى بويىنشا قر قك-ءنىڭ 335-بابى 1-بولىگى بويىنشا سوتقا دەيىنگى تەرگەۋ باستالدى.
