«ۇكىمەتتىڭ باستى مىندەتىنىڭ ءبىرى – انا مەن بالانىڭ دەنساۋلىعىن ساقتاۋ. وكىنىشكە قاراي, سابيلەردىڭ ءولىمى كوبەيدى. انا ءولىمى دە وسۋدە. مەن پەريناتالدىق قىزمەتتىڭ جاي-كۇيىن تەكسەرۋگە تاپسىرما بەردىم. ونىڭ قورىتىندىسى بويىنشا ءتيىستى شارالار قابىلدانۋى كەرەك ەدى. بىراق, بارلىق جۇمىس اۋديت دەڭگەيىندە توقتاپ قالدى», دەدى ق.توقاەۆ.
پرەزيدەنتتىڭ ايتۋىنشا, قازىرگى پەرزەنتحانالاردىڭ كوبى حالىقارالىق ستاندارتتارعا ساي ەمەس.
«شۇعىل شارالار قابىلداپ, وسى ماسەلەنى شەشۋ قاجەت. جالپى, دەنساۋلىق ساقتاۋ سالاسى تۋرالى ايتار بولساق, مۇندا تۇيتكىلدى ماسەلەلەر كوپ. قازاقستاندا سوزىلمالى اۋرۋ سالدارىنان قايتىس بولۋ كورسەتكىشى وتە جوعارى. اسىرەسە, ەكونوميكالىق ىنتىماقتاستىق جانە دامۋ ۇيىمىنا مۇشە ەلدەرمەن سالىستىرعاندا بىزدەگى احۋال وتە ناشار», دەدى مەملەكەت باسشىسى.
