جيىندا جىل باسىنان بەرى مەرەيتويدى وتكىزۋ اياسىندا بىرقاتار ماڭىزدى عىلىمي-زەرتتەۋ, اعارتۋشىلىق, مادەني-بۇقارالىق ءىس-شارالار وتكىزىلگەنى اتاپ ءوتىلدى.
ەرلان قارين احمەت بايتۇرسىن ۇلىنىڭ مۇراسىن ناسيحاتتاۋعا باعىتتالعان حالىقارالىق, رەسپۋبليكالىق, وڭىرلىك ءىس-شارالاردى جىل سوڭىنا دەيىن جوعارى دەڭگەيدە وتكىزۋ قاجەتتىگىن اتاپ ءوتتى. الماتىدا عالىمعا ەسكەرتكىش ورناتۋ جوسپارلانعان. ونىڭ 12 تومدىق تولىق شىعارمالار جيناعى باسىلىمعا دايىندالىپ جاتىر. يۋنەسكو-نىڭ شتاب-پاتەرىندە جانە تۇركسوي اياسىندا ءىس-شارالار وتكىزۋ كوزدەلگەن. تۇركسوي ۇيىمى جىل سايىن كورنەكتى تۇركىتانۋشى عالىمدارعا بەرىلەتىن احمەت بايتۇرسىن ۇلى اتىنداعى توسبەلگى تاعايىنداۋ تۋرالى شەشىم قابىلدادى.
وتىرىستا عىلىم جانە جوعارى ءبىلىم ءمينيسترى ساياسات نۇربەك, مادەنيەت جانە سپورت ءمينيسترى داۋرەن اباەۆ, سىرتقى ىستەر ءمينيسترىنىڭ ءبىرىنشى ورىنباسارى اقان راحمەتۋللين جانە قوستاناي وبلىسىنىڭ اكىمى ارحيمەد مۇحامبەتوۆ اتقارىلعان جۇمىستار مەن الداعى كەزەڭگە ارنالعان جوسپارلارى تۋرالى باياندادى.
Aعارتۋشىنىڭ قوستاناي وبلىسىنداعى تۋعان جەرىندە عىلىمي-رەستاۆراتسيا جۇمىستارى ۇيىمداستىرىلىپ قانا قويماي, بىرقاتار الەۋمەتتىك جانە ينفراقۇرىلىمدىق جوبالار ىسكە اسىرىلىپ جاتقانىن ەرەكشە ايتۋ كەرەك.
كوميسسيا وتىرىسىن قورىتىندىلاي كەلە, مەملەكەتتىك كەڭەسشى ەرلان قارين احمەت بايتۇرسىن ۇلىنىڭ 150 جىلدىق مەرەيتويى اياسىندا الداعى كەزەڭگە جوسپارلانعان ءىس-شارالاردىڭ ساپالى وتكىزىلۋىن قامتاماسىز ەتۋدى تاپسىردى.
